HD 189567 (HR 7644 / HIP 98959 / GJ 776)LHS 484 - High proper-motion Star (SIMBAD) ye una estrella na constelación de Pavu de magnitú aparente +6,07. Alcuéntrase a 58 años lluz de distancia del Sistema Solar.
Carauterístiques HD 189567 ye una nana mariella de tipu espectral G2V con una temperatura superficial de 5726 K. Nesta mesma constelación, δ Pavonis y ι Pavonis son estrelles asemeyaes; al igual qu'éstes, HD 189567 ye una análoga solar de carauterístiques físiques comparables a les del Sol. De lluminosidá práuticamente igual a la lluminosidá solar —la so magnitú absoluta tamién ye +4,83—, ye menos masiva que'l Sol, con una masa envalorada de 0,88 mases solares. Sicasí, paez ser una estrella notablemente más antigua que'l Sol, con una edá envalorada nel rangu de 8000 - 8700 millones d'años.
Composición química El conteníu metálico de HD 189567 difier de la solar. Asina, la so bayura relativa de fierro ye namái un 58% de la que tien el Sol, enclín tamién reparáu n'otros elementos químicos como magnesiu, cromu y bariu; nel casu de circoniu y neodimiu, los valores reparaos son namái llixeramente inferiores a les solares.
Tocantes a la bayura relativa d'elementos llixeros, HD 189567 presenta una bayura relativa de litiu —elementu col rangu de niveles más ampliu ente estrelles asemeyaes al Sol—, inferior a la solar (logє[Li] < 0,82). La so bayura de beriliu ye similar a la de la nuesa estrella.
Sistema planetariu La metalicidá y cinemática de HD 189567, según el fechu de que nun se conoza nengún planeta xigante orbitando a menos de 2 UA, favorecieron que figure ente los 25 oxetivos principales del Catálogu de Sistemes Estelares Habitables» del Institutu SETI.
En 2011 afayóse la presencia d'un planeta estrasolar de baxa masa, denomináu HD 189567 b, n'órbita alredor d'esta estrella. Tien una masa mínimo equivalente a 10 vegaes la masa de la Tierra, moviéndose a una distancia de 0,11 UA al respective de HD 189567. El so periodu orbital ye de namái 14,3 díes.HD 189567 (The Estrasolar Planets Encyclopaedia)
Ver tamién Llista de planetes estrasolares
Referencies
Categoría:Estrelles Categoría:Nanes marielles Categoría:Sistemes planetarios Categoría:Constelación de Pavu