HD 4113 (HIP 3391/ SAO 4192693)HIP 3391 - Star (SIMBAD) ye una estrella de magnitú aparente +7,91 asitiada na constelación de Sculptor a 144 años lluz de distancia del Sistema Solar. Dende 2007 conozse la esistencia d'un planeta estrasolar n'órbita alredor d'esta estrella.
HD 4113 ye una nana mariella —un análoga solar de carauterístiques asemeyaes al Sol— de tipu espectral G5V. Con una temperatura efectivo de 5688 K, la so lluminosidá ye un 22% superior a la lluminosidá solar. Tien un radiu un 18% más grande que'l radiu solar y xira sobre sigo mesma con una velocidá de rotación de 1,37 km/s. Piénsase que tien una edá de siquier 4800 millones d'años unos 200 millones d'años más que'l Sol—, pero ésta podría llegar a algamar los 8000 millones d'años. Ye una estrella rica en metales, que la so metalicidá ye un 66% mayor que la del Sol.
Amás del planeta —ver más embaxo—, esiste un tercer oxetu más alloñáu que completa'l sistema. Dablemente trátase d'una nana marrón, asitiada ente 8 y 20 UA de HD 4113 con un periodu nel rangu de 20 - 90 años, o bien d'una tenue nana blanca.
Sistema planetariu
El planeta estrasolar, denomináu HD 4113 b, foi afayáu col espectrógrafu CORALIE per aciu el métodu de les velocidaes radiales. Tien una masa siquier un 56% mayor que la de Xúpiter pero la so carauterística más notable ye la gran escentricidá de la so órbita (ε = 0,90).HD 4113 (The Estrasolar Planets Encyclopaedia) Asina, la so separación al respeutive de la estrella varia ente 0,12 UA nel periastru a 2,4 UA nel apoastru. Xunto a HD 20782 b y HD 80606 b, ye unu de los planetes descubiertos con una órbita mas escéntrica.All Candidates detected (update: 01 July 2009). The Estrasolar Planets Encyclopaedia
Ver tamién Llista de planetes estrasolares
Referencies
Categoría:Estrelles Categoría:Nanes marielles Categoría:Sistemes planetarios Categoría:Planetes estrasolares Categoría:Constelación de Sculptor