HD 93250 (HIP 52558 / SAO 238423 / GC 14791) ye una estrella na constelación de Carina de magnitú aparente +7,50.HD 93250 -- Double or multiple star (SIMBAD) Asitiada a unos 7500 años lluz del Sistema Solar, alcuéntrase na Nebulosa de Carina (NGC 3372) dientro del cúmulu estelar Trumpler 16.
HD 93250 ye una estrella azul de tipu espectral O3.5V. Con una masa averada ente 83,3 y 118 mases solares,HD 93250 (Jumk.de/astronomie) ta considerada una de les estrelles más masives qu'esisten, comparable a η Carinae o a les componentes de HD 93129. Ye una estrella estraordinariamente caliente, con una temperatura efectivo cercana a los 45.000 K. Tien un diámetru ente 15,9 y 19,9 vegaes más grande que'l diámetru solar y xira sobre sigo mesma con una velocidá proyeutada de 107 km/s. Entá siendo 1 millón de vegaes más lluminosa que'l Sol, piénsase que HD 93250 inda nun abandonó la secuencia principal, esto ye, sigue fundiendo hidróxenu nel so nucleu. Como otres estrelles asemeyaes, pierde masa a un ritmu bien eleváu; según la fonte consultada ésta perda se cuantifica ente 3,45 × 10-6 y 5,42 × 10-7 vegaes la masa solar per añu.
HD 93250 nun amuesa variaciones fotométriques nin na so velocidá radial, polo que ye considerada una estrella sola ensin nenguna compañera estelar. Sicasí, reparóse emisión de radio non térmica, carauterística xeneralmente considerada como evidencia del choque de vientos estelares en estrelles binaries de tipu O.
Ver tamién Llista de les estrelles más lluminoses Llista de les estrelles más masives
Referencies
Enllaces esternos El catálogu d'estrelles O
Categoría:Estrelles Categoría:Constelación de Carina