HR 3384 (HD 72673 / HIP 41926 / GJ 309)LHS 249 (SIMBAD) ye una estrella asitiada na constelación de Pyxis, la brúxula, cerca de la llende con Puppis. De magnitú aparente +6,38, ye demasiáu tenue pa ser reparada a simple vista. Alcuéntrase a 39,7 años lluz del Sistema Solar; Gliese 320, a 6,1 años lluz de distancia, ye la estrella más cercana a HR 3384.Gliese 309 (The Internet Stellar Database)
De tipu espectral K0V,Gliese 309 (ARICNS) HR 3384 ye una nana naranxa —na base de datos SIMBAD figura catalogada como G9V— con una temperatura superficial de 5265 K. De carauterístiques asemeyaes a α Centauri B, relluma con una lluminosidá equivalente al 36% de la lluminosidá solar. De menor tamañu que'l Sol, tien un diámetru equivalente al 77% del diámetru solar. El so metalicidá —bayura relativa d'elementos más pesaos que'l heliu— ye menor que la solar, suponiendo un 42% de la mesma.
Nun esiste consensu sobre la posible edá de HR 3384. Esta foi envalorada dende 300 millones d'años —lo que supondría que ye una estrella bien nueva—, hasta 4570 millones d'años, siendo nesti casu una estrella tan antigua como'l Sol.
Ver tamién Llista d'estrelles brilloses más cercanes
Referencies
Categoría:Estrelles Categoría:Nanes naranxes Categoría:Constelación de Pyxis