Iota Arietis (ι Ari / 8 Arietis / HD 11909)Iota Arietis - Spectroscopic binary (SIMBAD) ye una estrella na constelación d'Aries. La so magnitú aparente ye +5,11 y alcuéntrase a 520 años lluz de distancia del Sistema Solar.
Anque Iota Arietis apaez catalogada como nana naranxa «peculiar» na base de datos SIMBAD, los sos parámetros indiquen, ensin batura a duldes, que ye una verdadera xigante. Tien una temperatura superficial averada de 4630 K y una lluminosidá 294 vegaes superior a la lluminosidá solar. El so radiu ye 27 vegaes más grande que'l del Sol —como correspuende a una xigante— y xira sobre sigo mesma con una velocidá de rotación proyeutada de 3,3 km/s. Ello implica que'l so periodu de rotación pue ser d'hasta 400 díes. La so masa envalórase ente 3,5 y 4 mases solares.
Iota Arietis ye una binaria espectroscópica con un periodu orbital de 1567,7 díes (4,29 años). Desconozse la naturaleza de la estrella acompañante, pero considerando una masa mínimo pa ésta, la separación ente les dos estrelles pue ser de 4,8 UA.Iota Arietis (Stars, Jim Kaler)
Referencies
Categoría:Estrelles Categoría:Xigantes naranxes Categoría:Estrelles binaries Categoría:Constelación d'Aries