Iota Lupi (ι Lup)iot Lup -- Variable Star (SIMBAD) ye una estrella na constelación del Llobu. Con magnitú aparente +3,54, ye l'octavu astru más brillosu na constelación. D'alcuerdu al nuevu amenorgamientu de los datos de paralax de Hipparcos, alcuéntrase a 338 años lluz del Sistema Solar. Ye miembru de l'Asociación estelar de Scorpius-Centaurus,Iota Lupi (The Bright Star Catalogue) que tamién inclúi a α Lupi, β Lupi y γ Lupi, les estrelles más brilloses del Llobu.
Carauterístiques Iota Lupi ye una subxigante de tipu espectral B2.5IV, una estrella que remató la fusión del so hidróxenu internu. Tien una temperatura efectivo de 19.525 K y la so lluminosidá bolométrica —en toles llonxitúes d'onda— equival al 2082 vegaes la lluminosidá solar. Acordies col so diámetru angular —0,69 milisegundos d'arcu—, tien un radiu de 7,7 radios solares. Xira sobre sigo mesma con una alta velocidá de rotación proyeutada de 235 km/s. La rápida rotación fai que la forma de la estrella nun seya esférica sinón elipsoidal, tando esnachada polos polos; el so grau de «achatamiento» envalórase en 0,17.
Con una masa de 6,9 ± 0,1 mases solares, Iota Lupi ta claramente per debaxo de la llende a partir del cual les estrelles rematen la so vida españando como supernoves. Tien una edá averada de 20,3 millones d'años.
Referencies
Categoría:Estrelles Categoría:Subxigantes Categoría:Constelación de Lupus