IRC+10420, tamién conocida cómo V1302 Aql, ye una estrella hiperxigante (que foi primero clasificada cómo una protonebulosa planetaria por dellos autores) asitiada na constelación del Águila, a una distancia d'ente 3 y 5 kiloparsecs.

Propiedaes físiques

Magar ser una de les estrelles más lluminoses conocíes, con una lluminosidá de más de 500.000 vegaes la del Sol, ye invisible a güeyu y precisa un telescopiu pa ser reparada.

Mientres los postreros 20 años, el tipu espectral d'ésta estrella varió dende F8 hasta A calteniéndose la so lluminosidá constante, lo qu'al pie de la gran cantidá de materia qu'espulsó llevó a pensar que ye un astru de 40 ó 50 mases solares nuna fase bien avanzada de la so vida, evolucionando dende la fase de superxigante colorada escontra la d'estrella de Wolf-Rayet ó la de Variable Lluminosa Azul (LBV), ó inclusive a la de presupernova; acordies con dellos modelos, la estrella en sí, que paez tener una temperatura superficial elevada y que tamos viendo dende unu de los sos polos, tien apenes 10 mases solares y ta envolubrada por 30 ó 40 mases solares de material espulsáu por potentes vientos solares. Dichu material la oculta, llegando a formar una "pseudofotosfera" que la fai apaecer cómo una estrella hiperxigante mariella ó blanca en cuenta de lo que ye en realidá.

Nebulosa

El material espulsáu por IRC+10420 relluma allumáu por ésta cómo una nebulosa de reflexón, siendo ésto lo que se ve y non el mesmu astru. Imáxenes tomaes pol Telescopiu Espacial Hubble amosaron una complexa estructura nella qu'inclúi rayos, arcos, y condensaciones de material brilloso -los cualos amuesen evidencies de fuerte perda de masa estelar mientres los últimos sieglos-, y que foi comparada a la qu'arrodia a VY Canis Majoris.

Ver tamién

IRAS 17163-3907, un oxetu similar.

Referencies

IRC+10420 na base de datos de SIMBAD

A study of several F and G supergiant-like stars with infrared excesses as candidates for proto-planetary nebulae

Checking the yellow evolutionary void (n'inglés. Archivu PDF)

The spectral energy distribution and mass-loss history of IRC+10420 (n'inglés. Archivu PDF)

The Circumstellar Environments of the Cool Hypergiants: Implications for the Mass Loss Mechanism (n'inglés. Archivu PDF)

HST and Infrared Images of the Circumstellar Environment of the Cool Hypergiant IRC + 10420 (n'inglés. Archivu PDF)

The Morphology of IRC +10420's Circumstellar Ejecta

Categoría:Estrelles Categoría:Hiperxigantes Categoría:Constelación d'Aquila