Ji Serpentis o Chi Serpentis (χ Ser / 20 Serpentis / HD 140160)Chi Serpentis - Variable Star of alpha2 CVn type (SIMBAD)Chi Serpentis (The Bright Star Catalogue) ye una estrella de magnitú aparente +5,32 na constelación de Serpens. Ta asitiada na rexón central de Serpens Caput, la cabeza de la culiebra. Forma parte de la corriente d'estrelles de l'Asociación estelar del sietestrellu.
Ji Serpentis ye una estrella blanca de la secuencia principal de tipu espectral A0p que la so temperatura superficial ye de 9290 K. Con una lluminosidá 34 vegaes mayor que la del Sol, la so masa ye de 2,3 mases solares y xira sobre sigo mesma con una velocidá de rotación proyeutada de 75 km/s. El so metalicidá —conteníu relativo d'elementos más pesaos que'l heliu— equival al 56% de la del Sol. Tien una edá envalorada de 420 millones d'años y tópase na metá de la so vida como estrella de la secuencia principal.
Ji Serpentis ye una estrella peculiar. Estes son estrelles que la so bayura en metales ye anómala, siquier nes sos capes superficiales. Alioth (ε Ursae Majoris) y α Circini son dos conocíes representantes d'esta clase. Como munches d'estes estrelles, Ji Serpentis ye una variable Alfa2 Canum Venaticorum. El so rellumu fluctúa 0,03 magnitúes a lo llargo d'un periodu de 1,59 díes. Alcuéntrase a 228 años lluz de distancia del Sistema Solar.
Referencies
Categoría:Estrelles Categoría:Estrelles blanques de la secuencia principal Categoría:Estrelles variables Categoría:Variables Alfa2 Canum Venaticorum Categoría:Constelación de Serpens