Lambda Librae (λ Lib / 45 Librae)V* lam Lib -- Ellipsoidal variable Star (SIMBAD)Lambda Librae (The Bright Star Catalogue) ye una estrella na constelación de Llibra de magnitú aparente +5,03. Anque nun tien nome propiu habitual, xunto a κ Librae ostentó'l títulu de Jih, «el Sol». Alcuéntrase práuticamente sobre la eclíptica, cerca de la llende cola vecina Escorpiu. D'alcuerdu al nuevu amenorgamientu de los datos de paralax de Hipparcos, alcuéntrase a 309 años lluz del Sistema Solar.
Lambda Librae ye un sistema estelar compuestu por dos, o quiciabes trés, componentes. La primaria ye una estrella blancu-azulada de la secuencia principal de tipu espectral B3V. Tien una temperatura efectivo de 20.350 K y una lluminosidá bolométrica —en toles llonxitúes d'onda— 810 vegaes superior a la del Sol. Con un diámetru 3,9 vegaes más grande que'l diámetru solar,Lambda Librae (CADARS) xira sobre sigo mesma con una velocidá de rotación proyeutada de 17 km/s, anque la so verdadera velocidá puede ser enforma mayor. Presenta una metalicidá significativamente inferior a la solar ([Fe/H] = -0,27). La so masa envalorada ye de 6,3 mases solares y tien una edá averada de namái 70 ± 50 millones d'años (1/66 de la edá del Sol). De la estrella secundaria nada se sabe. Cada 12,48 díes completa una órbita alredor de la primaria, siendo la escentricidá de la mesma ε = 0,27. El sistema podría tener una tercera componente adicional.
Lambda Librae ye una variable elipsoidal rotante (ELL).Lambda Librae (General Catalogue of Variable Stars) Estes variables —ente les que s'atopen Espiga (α Virginis) o TY Corvi— son estrelles binaries cercanes que les sos componentes tienen forma elipsoidal pola atraición gravitatoria de l'acompañante.La variación de rellumu de Lambda Librae ye de 0,02 magnitúes.
Referencies
Categoría:Estrelles Categoría:Estrelles binaries Categoría:Estrelles variables Categoría:Constelación de Llibra