LHS 292, tamién conocida como GJ 3622 o LP 731-58,GJ 3622 -- Flare Star (SIMBAD) ye una pequeña estrella asitiada a daqué menos de 15 años lluz del Sistema Solar en direición a la constelación de Sextans. Ye una nana colorada de rellumu bien débil y magnitú aparente +15,60. Les estrelles más cercanes a LHS 292 son Ross 128 (FI Virginis) y DEN 1048-3956, respeutivamente a 5,8 y 7,1 años lluz de distancia.Stars within 15 light-years of Luyten Palombar 731-58 (The Internet Stellar Database)
LHS 292 ye una de les más tenues nanes coloraes de la nuesa redolada, con magnitú absoluta +17,32.LHS 292 (ARICNS) La so masa ye apenes el 8,3% de la masa del Sol y la so lluminosidá ye namái una cenmilésima de la lluminosidá solar. Pertenez al tipu espectral M6.5V, siendo les sos carauterístiques asemeyaes a les de DX Cancri. Xira sobre sigo mesma con una velocidá de rotación proyeutada de 3,0 km/s.
LHS 292 ye una estrella acandilante, esto ye, dacuando sufre erupciones que faen aumentar drásticamente el so rellumu, magar nun tien asignada una denominación d'estrella variable. Estudios recién suxeren que ye una estrella binaria espectroscópica con una de les componentes más tenue que la otra.
Ver tamién Llista d'estrelles cercanes a la Tierra
Referencies
Categoría:Estrelles Categoría:Nanes coloraes Categoría:Estrelles variables Categoría:Estrelles acandilantes Categoría:Constelación de Sextans Categoría:Estrelles próximes al sistema solar