Mu Andromedae (μ And / 37 Andromedae / HD 5448)Mu Andromedae (SIMBAD)Mu Andromedae (The Bright Star Catalogue) ye una estrella na constelación d'Andrómeda de magnitú aparente +3,87. Alcuéntrase a 130 años lluz del Sistema Solar.
Mu Andromedae ye una estrella blanca de la secuencia principal de tipu espectral A5V. Con una temperatura superficial de 8090 K, tien una lluminosidá 35 vegaes mayor que la lluminosidá solar. La midida del so diámetru angular per aciu interferometría —0,66 ± 0,11 milisegundos d'arcu— dexa evaluar el so diámetru, siendo ésti 2,8 vegaes más grande que'l del Sol. La so velocidá de rotación proyeutada ye de 74 km/s, lo que trai que completa una vuelta sobre sigo mesma en menos de 2 díes. La so masa envalorada a partir de la teoría d'estructura y evolución estelar— ye de 2,3 mases solares y tien una edá averada de 530 millones d'años.Mu Andromedae (Stars, Jim Kaler)
Al igual qu'otres estrelles asemeyaes como Vega (α Lyrae) o σ Bootis, Mu Andromedae paez tar arrodiada por un discu d'escombros; ello puede implicar la esistencia de planetes, magar nengún detectóse hasta'l momentu.
Referencies
Enllaces esternos
Categoría:Estrelles Categoría:Estrelles blanques de la secuencia principal Categoría:Constelación d'Andrómeda