Mu Telescopii (μ Tel)Mu Telescopii (SIMBAD)Mu Telescopii (The Bright Star Catalogue) ye una estrella na constelación austral de Telescopium. Tien magnitú aparente +6,29 y ta a 120 años lluz de distancia del Sistema Solar.
Mu Telescopii ye una estrella blancu-mariella de la secuencia principal de tipu espectral F5V. Los dos componentes del sistema Diadem (α Comae Berenices), ι Pegasi A o ψ Capricorni son estrelles d'asemeyaes carauterístiques a Mu Telescopii. Esta postrera tien una temperatura efectivo de 6503 ± 63 K y el so radiu ye un 45% más grande que'l radiu solar. Xira sobre sigo mesma con una velocidá de rotación proyeutada de 11 km/s —llende inferior de la mesma—, polo que rota siquier 5 vegaes más apriesa que'l Sol. Anque presenta un conteníu metálico inferior al del Sol, dos estudios determinen distintos valores de -0,13 y -0,24 pal so índiz de metalicidá [Fe/H].
Mu Telescopii tien una masa de 1,25 mases solares y la so edá envalórase ente 1800 y 2520 millones d'años. Al igual que'l Sol y la mayor parte de les estrelles de la nuesa redolada, Mu Telescopii ye una estrella del discu finu.
Referencies
Categoría:Estrelles Categoría:Constelación de Telescopium