Ni Tauri o Nu Tauri (ν Tau / 38 Tauri / HD 25490 / HR 1251)38 Tauri (SIMBAD) ye una estrella na constelación de Tauru de magnitú aparente +3,90. Dacuando ye conocida como Furibundus, en llatín «furiosu» o «engafentáu», títulu procedente de Taurus Furibundus, «el toru furiosu».
Ni Tauri ye una estrella blanca de la secuencia principal de tipu espectral A0.5V asemeyáu a Siriu (α Canis Majoris) o a Vega (α Lyrae). Distante 129 años lluz del Sistema Solar, ta quince veces más alloñada que Siriu y unos cinco vegaes más alloñada que Vega. Con una temperatura de 9077 K, ye 38 vegaes más lluminosa que'l Sol. A partir del so diámetru angular envaloráu —0,614 segundos d'arcu— puede evaluase'l so radiu, resultando ser ésti 2,6 vegaes más grande que'l radiu solar. La so velocidá de rotación proyeutada ye de 83 km/s, siendo ésti una llende inferior, una y bones la velocidá real depende del enclín del so exa de rotación al respective de nós. Tien una edá averada de 250 millones d'años.
Ni Tauri tien una metalicidá —bayura relativa d'elementos más pesaos que'l heliu— considerablemente menor que la solar, aproximadamente'l 58% de la mesma. Elementos como calciu y bariu son deficitarios en rellación al Sol, pero nel casu del bariu, el so conteníu relativo ye 2,7 vegaes más eleváu que na nuesa estrella.
Referencies
Categoría:Estrelles Categoría:Estrelles blanques de la secuencia principal Categoría:Constelación de Tauru