Omega Andromedae (ω And / 48 Andromedae / HD 8799)LTT 10517 -- High proper-motion Star (SIMBAD) ye una estrella de magnitú aparente +4,83 asitiada na constelación d'Andrómeda. Alcuéntrase a 92 años lluz del Sistema Solar.
Omega Andromedae ye una subxigante blancu-mariella de tipu espectral F5IVe. Con una temperatura efectivo de 6581 K, ye 7,6 vegaes más lluminosa que'l Sol. A partir del so diámetru angular, 0,70 milisegundos d'arcu, puede envalorase el so verdaderu diámetru, siendo ésti 2,3 vegaes más grande que'l diámetru solar. Xira sobre sigo mesma con una velocidá de rotación igual o mayor de 57,1 km/s. Tocantes al so conteníu metálico, amuesa una metalicidá inferior a la del Sol ([Fe/H] = -0,16). Ye más masiva que la nuesa estrella —envalórase que la so masa ye casi un 50% mayor que la del Sol— y tien una edá averada de 2100 millones d'años.
Omega Andromedae forma un sistema binariu con una estrella 3,65 magnitúes más tenue. L'actual separación visual ente dambes componentes ye de 0,669 segundos d'arcu.
Referencies
Categoría:Estrelles Categoría:Subxigantes Categoría:Estrelles binaries Categoría:Constelación d'Andrómeda