Omega1 Cygni (ω1 Cyg / 45 Cygni / HD 195556 / HR 7844)Omega1 Cygni (The Bright Star Catalogue) ye una estrella na constelación del Cisne de magnitú aparente +4,94. Comparte la denominación de Bayer «Omega» con Omega2 Cygni, conocida col nome de Ruchba.
Carauterístiques Omega1 Cygni ye una subxigante blancu-azulada de tipu espectral B2.5IVOmega1 Cygni (SIMBAD) con una temperatura averada de 18.500 K. Tien una lluminosidá equivalente a 4800 soles y un radiu 6,8 vegaes más grande que'l radiu solar. Xira sobre sí acorica con una velocidá de rotación de siquier 165 km/s, siendo el so periodu de rotación inferior a dos díes. Ye una estrella masiva, con una masa ente 7,5 y 8 mases solares, anque se topa xusto per debaxo de la llende percima del cual les estrelles españen como supernoves; por tanto, cabo esperar qu'acabe la so vida como una nana blanca masiva. Anque ta catalogada como una estrella variable —del tipu Beta Cephei—, anguaño piénsase qu'en realidá nun ye variable.
Compañeres estelares Omega1 Cygni paez tener dos compañeres estelares. La primera (Omega1 Cygni B), separada visualmente 17 segundos d'arcu, tien magnitú +12,9; pol so rellumu, ten de ser una estrella asemeyada al Sol distante siquier 4800 UA del so brillante acompañante. D'alcuerdu a les lleis de Kepler, el so periodu orbital ye de más de 8000 años. La segunda compañera (Omega1 Cygni C), visualmente a 56 segundos d'arcu —lo que correspuende a una distancia real de más 15.500 UA—, tien magnitú +9,4. Posiblemente sía una estrella de tipu A mediu qu'emplega más de mediu millón d'años en completar una órbita en redol al par interior. El sistema alcuéntrase a 910 años lluz de distancia del Sistema Solar.Omega-1 Cygni (Stars, Jim Kaler)
Referencies
Categoría:Estrelles Categoría:Subxigantes Categoría:Constelación de Cygnus