Ómicron Serpentis (ο Ser / 56 Serpentis)Omicron Ser -- Variable Star of delta Sct type (SIMBAD) ye una estrella na constelación de Serpens, asitiada en Serpens Cauda —la cola de la culiebra—. Alcuéntrase a 173 años lluz del Sistema Solar.
Ómicron Serpentis ye una estrella de la secuencia principal de tipu espectral A2Va con una temperatura efectivo de 8452 K. La so lluminosidá ye 41 vegaes superior a la lluminosidá solar, siendo por tanto más lluminosa qu'otres estrelles asemeyaes como ι Centauri o Alfecca Meridiana (α Coronae Australis), mas non tanto como Chertan (θ Leonis), estrella que paez tar entrando na fase de subxigante. Con un diámetru un 80% más grande que'l diámetru solar,Omicron Serpentis (CADARS) xira sobre sigo mesma con una velocidá de rotación proyeutada de 112,6 km/s, 56 vegaes más apriesa que'l Sol. Tien una masa 2,10 vegaes mayor que la masa solar.
Ómicron Serpentis presenta una metalicidá considerablemente menor que la solar ([Fe/H] = -0,35). De 18 elementos evaluaos, dalgunos, como sodiu, escandiu y itriu, son más abondosos que nel Sol ([Na/H] = +0,45). Sicasí, la mayor parte siguen la mesma pauta que'l fierro, destacando'l exiguo conteníu d'estronciu, malapenes un 15% del atopáu nel Sol.
Referencies
Categoría:Estrelles Categoría:Estrelles blanques de la secuencia principal Categoría:Constelación de Serpens