OO Aquilae (OO Aql)V* OO Aql -- Eclipsing binary of W UMa type (SIMBAD) ye una estrella binaria na constelación del Águila. Alcuéntrase 46' al noroeste d'Altair (α Aquilae) y 1º23' al sur de Tarazed (β Aquilae). La so distancia respeutu al Sistema Solar ye de 131 pársecs o 427 años lluz.
OO Aquilae ye una binaria de contautu de tipu espectral F9V —tamién catalogada como G5V— que la so rellación de mases ente componentes, q, ye igual a 0,85. La estrella primaria tien una temperatura efectivo de 6093 ± 152 K y ye 2,4 vegaes más lluminosa que'l Sol. El so radiu equival a 1,39 radios solares y la so masa ye apenes un 7% mayor que la del Sol. La estrella secundaria tien una temperatura de 5871 ± 140 K y la so lluminosidá ye un 77% superior a la lluminosidá solar. Tien un radiu un 29% más grande que'l del Sol y una masa de 0,90 mases solares. La separación ente dambes estrelles ye de namái 0,0156 UA.
OO Aquilae constitúi una binaria eclipsante que'l so rellumu fluctúa ente magnitú aparente +9,20 y +9,90 a lo llargo del so periodu orbital de 0,5068 díes.OO Aql (General Catalogue of Variable Stars) El planu orbital ta inclinaos 94º respectu al planu del cielu.
Ver tamién Llista d'estrelles variables
Referencies
Categoría:Estrelles Categoría:Estrelles binaries Categoría:Estrelles variables Categoría:Constelación d'Aquila