Pi Pavonis (π Pav / HD 165040 / HR 6745)HR 6745 -- Star (SIMBAD) ye una estrella na constelación de Pavu de magnitú aparente +4,35.Pi Pavonis (The Bright Star Catalogue) Ta asitiada a 130 años lluz de distancia del Sistema Solar.
Pi Pavonis ye una estrella blanca de tipu espectral A7sp. Tien una temperatura efectivo de 7585 K y un radiu 1,5 vegaes más grande que'l del Sol.Pi Pavonis. Catalogue of Stellar Diameters (CADARS) (Pasinetti-Fracassini+ 2001) Rota con una velocidá proyeutada —valor mínimu que depende del enclín del so exa de rotación— de 16 km/s, lenta pa una estrella de les sos carauterístiques.
Por cuenta de la so lenta rotación, Pi Pavonis ye una estrella químicamente peculiar que la so bayura relativa de metales difier notablemente de la del Sol. La so superficie ta emprobecida en ciertos elementos como calciu y escandiu, esti postreru 13 vegaes menos abondosa que nel Sol ([Sc/H] = -1,12). Sicasí, un ampliu grupu d'elementos son «sobreabundantes» en rellación a la nuesa estrella; estronciu, bariu, lantanu, ceriu y neodimiu son ente 10 y 20 vegaes más abondoses, pero nel casu del europiu —elementu númberu 63 de la tabla periódica—, la so concentración ye más de 200 vegaes superior a la solar ([Eu/H] = +2,29).
Referencies
Categoría:Estrelles Categoría:Constelación de Pavu