R Aquarii (R Aqr / HD 222800 / HR 8992)Datos astronómicos de R Aquarii ye una estrella variable na constelación d'Acuariu de magnitú aparente media +7,69. Alcuéntrase a unos 645 años lluz de la Tierra.
R Aquarii ye una estrella simbiótica que se cree ta compuesta por una nana blanca y una variable Mira formando un sistema binariu. La estrella principal Mira ye una xigante colorada de tipu espectral M7III que'l so rellumu varia nun factor de dellos cientos a lo llargo d'un periodu de 386,96 díes; la so variabilidá afayóse por Karl Ludwig Harding en 1810.
Por cuenta de la so atraición gravitatoria, la nana blanca atrai materia de la xigante colorada y dacuando espulsa parte de la mesma n'estraños bucles que formen una nebulosa qu'arrodia la estrella.R Aquarii (SEDS) El conxuntu del sistema apaez robrizu al tar asitiáu nuna rexón del espaciu bien rica en polvu, polo que la lluz azul ye absorbida enantes de llegar a nós.
La nebulosa alredor de R Aquarii ye conocida tamién como Cederblad 211. Según Tom Polakis,hasta 1998 naide pudiera reparar visualmente esti oxetu. Ye posible que la nebulosa sía'l restu d'una nova, que sería reparada por astrónomos xaponeses nel añu 930.
Ver tamién Llista d'estrelles variables
Referencies
Categoría:Estrelles Categoría:Xigantes coloraes Categoría:Nanes blanques Categoría:Estrelles variables Categoría:Variables Mira Categoría:Constelación d'Acuariu