Tau Puppis (τ Pup / HD 50310 / HR 2553)Tau Puppis (SIMBAD) ye la cuarta estrella más brillosa de la constelación de Puppis, la popa del Argo Navis. De magnitú aparente +2,93, alcuéntrase a 182 años lluz de distancia del Sistema Solar. Dacuando ye conocida col nome de Rehla.
Tau Puppis ye una xigante naranxa de tipu espectral K1III con una temperatura superficial averada de 4600 K, yá que nun hai midíes precises de la so temperatura efectivo. Incluyendo la radiación infrarroxo qu'emite, la so lluminosidá ye 270 vegaes mayor que la del Sol. Tien un radiu 26 vegaes más grande que'l radiu solar, equivalente a 0,12 UA. Con una masa de 3,3 mases solares, anguaño ye una estrella estable que funde heliu nel so nucleu internu. Cuando nació —hai unos 300 millones d'años— yera una estrella muncho más caliente de tipu B7V.
Tau Puppis tien una compañera estelar detectada per aciu espectroscopia. El periodu orbital d'esta compañera invisible ye de 1066 díes (2,91 años). La separación media al respective de la xigante naranxa ye de 3 UA, magar la escentricidá de la órbita (ε = 0,09) fai que varie llixeramente. Piénsase que l'acompañante puede ser una nana colorada.Tau Puppis (Stars, Jim Kaler)
Referencies
Categoría:Estrelles Categoría:Xigantes naranxes Categoría:Estrelles binaries Categoría:Constelación de Puppis