Theta Piscium (θ Psc / 10 Piscium)Tet Psc - Star (SIMBAD) ye una estrella na constelación de Piscis de magnitú aparente +4,28. Nun tien nome propiu habitual, pero na astronomía china, xunto a Fum al Samakah (β Piscium), γ Piscium, ι Piscium y ω Piscium, formaba Peih Leih, «el rescamplu». Alcuéntrase a 159 años lluz del Sistema Solar.
Theta Piscium ye una xigante naranxa de tipu espectral K1III. Tien una temperatura efectivo de 4699 K y ye 51 vegaes más lluminosa que'l Sol. El so diámetru angular, una vegada consideráu'l escurecimientu de llimbu, ye de 2,00 ± 0,02 milisegundos d'arcu; ello dexa evaluar el so diámetru real, resultando ser ésti 10,5 vegaes más grande que'l diámetru solar. Xira sobre sigo mesma con una velocidá de rotación proyeutada de 1,9 km/s. Tien una edá envalorada de 4330 millones d'años y, como la mayor parte de les estrelles de la nuesa redolada, ye una estrella del discu finu.
Theta Piscium presenta una metalicidá —bayura relativa d'elementos más pesaos que'l heliu— daqué menor que la solar ([Fe/H] = -0,10). Otros elementos como sodiu, aluminiu y siliciu presenten unos niveles comparativamente iguales a los de fierro, magar Theta Piscium paez ser daqué deficitaria en bariu ([Ba/Fe] = -0,14).
Referencies
Categoría:Estrelles Categoría:Xigantes naranxes Categoría:Constelación de Piscis