TZ Corvi (TZ Crv / HD 104340 / HIP 58596)TZ Crv - Semi-regular pulsating star (SIMBAD) ye una estrella de magnitú aparente +8,17 asitiada na constelación de Corvus. La so distancia respeutu al Sistema Solar nun ye bien conocida, envalorándose ente 3200 y 4200 años lluz.
A diferencia del Sol —estrella del discu galácticu—, TZ Corvi ye una estrella proveniente del halo galácticu. La so alta velocidá radial (+263,3 km/s), daqué cimera a la de la Estrella de Kapteyn —subenana del halo—, ye carauterística d'esta clase d'estrelles. Coles mesmes, l'analís elemental de TZ Corvi sigue les pautes atopaes n'estrelles del halo galácticu. El so metalicidá ye desaxeradamente baxa ([Fe/H] = -1,43); elementos del grupu del fierro, como escandiu y níquel, amuesen una bayura similar a la d'aquél, ente qu'esiste un llixeru aumentu nos conteníos relativos de cobaltu, carbonu y vanadiu. Ye deficiente en manganesu, carauterística reparada en delles estrelles del halo. La bayura d'elementos llixeros amuesa anomalíes que pueden achacar a l'apaición na superficie estelar de material arriquecíu polos procesos triple-alfa y CNO.
Anque clasificada como xigante de tipu espectral G7III, al ser una estrella deficitaria en metales, la so temperatura efectivo —envalorada en 4350 K— correspuende a la d'una estrella de discu de tipu K2 - K3. Adoptando una masa de 0,7 ~ mases solares, puede envalorase la so lluminosidá, equivalente a 590 vegaes la del Sol.
Ver tamién Llista d'estrelles variables
Referencies
Categoría:Estrelles Categoría:Xigantes naranxes Categoría:Estrelles variables Categoría:Variables semirregulares Categoría:Constelación de Corvus