V2292 Ophiuchi (V2292 Oph / HD 152391 / HIP 82588)GJ 566 A - Star in double system (SIMBAD) ye una estrella variable de magnitú aparente media +6,64. Encuadrada na constelación d'Ophiuchus, alcuéntrase 1,10º al sur de 21 Ophiuchi, práuticamente sobre l'ecuador celeste. Alcuéntrase a 55 años lluz de distancia del Sistema Solar.
V2292 Ophiuchi ye una nana mariella de tipu espectral G8V o G8.5V, que correspuende a una estrella de la secuencia principal daqué más fría y menos lluminosa que nuesu Sol. La so temperatura superficial ye de 5420 - 5450 K y la so lluminosidá equival al 56% de la lluminosidá solar. Tien un radiu de 0,85 radios solares y, con una velocidá de rotación de siquier 3,8 km/s, completa un xiru sobre sigo mesma cada 11,43 díes. Tamién ye menos masiva que'l Sol, siendo la so masa de 0,90 mases solares. Anque polo xeneral la so edá cífrase alredor de los 3900 - 4200 millones d'años, atendiendo a la xirocronoloxía —métodu qu'evalúa la edá en función de la velocidá de rotación estelar—, podría tener una edá notablemente inferior de 587 ± 75 millones d'años. Presenta actividá cromosférica y ta catalogada como estrella variable BY Draconis, siendo l'amplitú de la so variación de 0,04 magnitúes.V2292 Ophiuchi (General Catalogue of Variable Stars)
V2292 Ophiuchi tien una metalicidá bien paecida a la del Sol. La bayura relativa de diversos elementos evaluaos —fierro, siliciu y calciu, ente otros— ye comparable a la solar y namái el nivel de bariu paez ser daqué más alto que na nuesa estrella ([Ba/H] = +0,19).
Ver tamién Llista d'estrelles brilloses más cercanes
Referencies
Categoría:Estrelles Categoría:Nanes marielles Categoría:Estrelles variables Categoría:Variables BY Draconis Categoría:Constelación d'Ophiuchus