V505 Persei (V505 Per / HD 14384 / HIP 10961)V* V505 Per - Eclipsing binary of Algol type (SIMBAD) ye una estrella variable na constelación de Perseus asitiada a 198 años lluz del Sistema Solar. El so rellumu varia ente magnitú aparente +6,87 y +7,46.V505 Persei (General Catalogue of Variable Stars)
V505 Persei ye una binaria eclipsante compuesta por dos estrelles marielles de tipu F5V. Dambes son bien paecíes con temperatures efectives de 6512 ± 21 K pa la componente principal y 6462 ± 12 K pa la secundaria. La primera ye un 27% más masiva que'l Sol y tien un radiu de 1,29 radios solares. Relluma con una lluminosidá 2,67 vegaes mayor que la lluminosidá solar y paez ser que, dientro de la evolución estelar, ta empezando a abandonar la secuencia principal. El so acompañante tien una masa de 1,25 mases solares y el so radiu ye un 27% más grande que'l del Sol. Ye 2,51 vegaes más lluminosa que'l Sol. Dambes xiren sobre sigo mesmes con una velocidá de rotación proyeutada de 15,3 km/s. La metalicidá d'esta binaria ye un 24% inferior a la solar y la so edá envalórase en 900 millones d'años.
El periodu orbital del sistema ye de 1,9009 díes (45,62 hores) y el semiexe mayor de la órbita ye de 0,04 UA. Nos eclises el rellumu de la estrella mengua 0,59 magnitúes. Magar la proximidá ente dambes componentes, el sistema nun constitúi una binaria de contautu.
Referencies
Categoría:Estrelles Categoría:Estrelles binaries Categoría:Estrelles variables Categoría:Constelación de Perséu