VX Andromedae (VX And / HD 1546 / HIP 1593)VX And -- Semi-regular pulsating Star (SIMBAD) ye una estrella variable na constelación d'Andrómeda. Alcuéntrase a una distancia averada de 1825 años lluz del Sistema Solar.
VX Andromedae ye una estrella de carbonu de tipu espectral CV6J. Nesta clase d'estrelles, al contrariu que nel restu, la bayura de carbonu ye mayor que la d'oxíxenu. La rellación carbonu-oxíxenu en VX Andromedae —1,76— ye notablemente alta, superior a la de CW Leonis, U Antliae o R Sculptoris, conocíes estrelles de carbonu. VX Andromedae ye, amás, una estrella de carbonu de «tipu J»; ello indica que'l so espectru amuesa bandes intenses del isótopu carbonu-13 (13C). Nesti tipu d'estrelles la rellación 12C/13C pue ser tan baxa como 4, ente que nel Sol, por casu, dicha rellación algama'l valor de 80. Estes estrelles tampoco amuesen llinies realzaes d'elementos del procesu-s.
Dende la so fría superficie a 2510 K, sopla un vientu estelar que fai que pierda masa a razón de 1,4 × 10-7 mases solares per añu. La so lluminosidá bolométrica ye 4800 vegaes mayor que la lluminosidá solar. La midida del so diámetru angular en banda K —6,75 ± 0,6 milisegundos d'arcu— conduz a un diámetru real unes 400 vegaes más grande que'l del Sol, valor namái averáu dada la incertidume na distancia a la que s'atopa.
Catalogada como variable semirregular SRA —clase de variables similares a les variables Mira pero con amplitúes menores—, el rellumu de VX Andromedae varia ente magnitú aparente +7,5 y +9,7 nun periodu de 375 díes.VX Andromedae (General Catalogue of Variable Stars)
Ver tamién Llista d'estrelles variables
Referencies
Categoría:Estrelles Categoría:Estrelles de carbonu Categoría:Estrelles variables Categoría:Variables semirregulares Categoría:Constelación d'Andrómeda