WR 102ka (2MASS J17461811-2901366)WR 102ka Wolf-Rayet Star (SIMBAD) ye una estrella de Wolf-Rayet hipermasiva na constelación de Saxitariu. Asitiada cerca del centru galácticu a unos 26.000 años lluz de distancia, WR 102ka alcuéntrase na Nebulosa Peonía, polo que tamién ye conocida como Estrella de la Nebulosa Peonía (n'inglés Peony Nebula Star). De tipu espectral WN10, la so masa orixinal yera de siquier 150 mases solares, anque probablemente yá perdió una parte considerable de la mesma per mediu de fuertes vientos estelares.WR 102ka (Jumk.de/astronomie)
Despinta tres grueses capes de polvu nuna rexón bien poblada d'estrelles, WR 102ka ye malo de reparar, al tar casi totalmente escurecida en llonxitú d'onda visibles. La observación col Telescopiu espacial Spitzer na rexón infrarroxa dexó conocer que WR 102ka ye una de les estrelles más lluminoses de la Vía Lláctea, con una lluminosidá bolométrica envalorada de 3,2 millones de soles.Brightest Star in the Galaxy has New Competition. Spitzer Space Telescope (NASA) La so lluminosidá ye daqué inferior a la de η Carinae, anque dada la incertidume nes midíes pudiera ser más lluminosa qu'ésta. Dambes estrelles probablemente esploten como supernoves nunos pocos millones d'años. Piénsase que pueden esistir otres estrelles «superluminosas» entá non afayaes na mesma rexón onde s'atopa WR 102ka.
Ver tamién Llista d'estrelles más lluminoses Llista d'estrelles más masives
Referencies
Categoría:Estrelles Categoría:Estrelles de Wolf-Rayet Categoría:Constelación de Saxitariu