Xi Capricorni o Xi2 Capricorni (ξ Cap / 2 Capricorni / HD 191862)Ksi Cap -- Star in double system (SIMBAD) ye una estrella na constelación de Capricorniu de magnitú aparente +5,85.Xi Cap (The Bright Star Catalogue) Alcuéntrase a 91 años lluz de distancia del Sistema Solar.
Xi Capricorni ye una nana mariella de tipu F7V que, como'l Sol, llogra la so enerxía de la fusión nuclear del hidróxenu. Con una temperatura superficial de 6353 K, ye unos 575 K más caliente que'l Sol, siendo les sos carauterístiques físiques bien similares a les de Asellus Primus (θ Boötis) o a les de ι Piscium, magar se topa al doble de distancia qu'estos dos estrelles. Tien una lluminosidá 2,7 vegaes mayor que la del Sol y xira sobre sigo mesma con una velocidá de rotación de siquier 11 km/s. El so metalicidá ye inferior a la solar ([Fe/H] = - 0,17). La so masa ye un 19% mayor que la masa solar, envalorándose la so edá ente 2500 y 4780 millones d'años.
Xi Capricorni paez formar un sistema binariu ampliu con HIP 99550 (LP 754-50),LP 754-50 -- High proper-motion Star (SIMBAD) nana colorada de tipu M0Vk y magnitú +11,3, que la so masa averada sería de 0,55 mases solares. La separación ente dambes estrelles envalórase en 28.300 ± 300 UA y el periodu orbital pue ser de 3,7 millones d'años.
Referencies
Categoría:Estrelles Categoría:Nanes coloraes Categoría:Estrelles binaries Categoría:Constelación de Capricorniu