YZ Ceti (LHS 138 / Gliese 54.1 / HIP 5643)YZ Cet -- Flare Star (SIMBAD) ye una estrella na constelación de Cetus, la bisarma marina, que s'alcuentra en metá d'una llinia imaxinaria qu'una Deneb Kaitos (β Ceti) con τ Ceti. Sicasí, la so magnitú aparente +12,10 fai que nun sela pueda reparar a simple vista. Anguaño alcuéntrase a 12,1 años lluz de nós; a partir de los datos del satélite Hipparcos conozse que la so mínima separación al respective de nuesu Sistema Solar —7,9 años lluz— tuvo llugar fai 74.400 años.
YZ Ceti ye una nana colorada de tipu espectral M4.5V con una temperatura efectivo de 3105 ~ K. Tien una masa envalorada de 0,14 mases solaresThe One Hundred nearest Star Systems (RECONS) y una lluminosidá visual —en condiciones normales— de 1/5000 soles. Ye una estrella acandilante al igual qu'otres nanes coloraes de la nuesa redolada, como Proxima Centauri, Wolf 359 o Luyten 726-8. Ello significa que sufre aumentos impredicibles na so lluminosidá y emisión de rayos X, bien acusaos en rellación a los parámetros normales.
Les sos vecines más próximes son Tau Ceti, nana mariella a 1,6 años lluz, el sistema estelar Luyten 726-8 a 3,6 años lluz, GJ 1002, nana colorada a 5,4 años lluz, y la Estrella de Van Maanen, nana blanca solitaria a 5,61 años lluz.Stars within 10 light-years of YZ Ceti (The Internet Stellar Database)
Ver tamién Llista d'estrelles cercanes a la Tierra
Referencies
Categoría:Estrelles Categoría:Nanes coloraes Categoría:Estrelles variables Categoría:Estrelles acandilantes Categoría:Constelación de Cetus Categoría:Estrelles próximes al sistema solar