Zeta Arae (ζ Ara)Zet Ara -- Star (SIMBAD)Zeta Arae (The Bright Star Catalogue) ye una estrella de magnitú aparente +3,13. Asitiada na constelación d'Ara, ye la tercer estrella más brillosa de la mesma dempués de β Arae y α Arae. Anque nun tien nome propiu habitual, en China ye conocida, xunto a δ Arae, como Tseen Yin, «el cielu escuru». Alcuéntrase a 486 años lluz de distancia del Sistema Solar.
Zeta Arae ye una xigante naranxa de tipu espectral K3III. Con una temperatura superficial de 4350 K, ye notablemente lluminosa, siendo la so lluminosidá equivalente a la de 4920 soles. Paez tar escurecida por polvu interestelar, magar que nun debería de talo de forma significativa si namái considérase la distancia a la que s'atopa. De gran tamañu, tien un radiu calculáu a partir de la midida del so diámetru angular— 128 vegaes más grande que'l radiu solar.
Zeta Arae ye una estrella masiva con unos seis mases solares que, na fase final de la so evolución estelar, va dar llugar a una nana blanca masiva comparable a Siriu B. Anguaño ye una estrella estable que funde el so heliu en carbonu y oxíxenu.Zeta Arae (Stars, Jim Kaler) Amuesa una metalicidá —bayura relativa d'elementos más pesaos que'l heliu— considerablemente inferior a la del Sol ([Fe/H] = -0,40).
Referencies
Categoría:Estrelles Categoría:Xigantes naranxes Categoría:Constelación d'Ara