Zeta Lupi (ζ Lup)zet Lup -- Star in double system (SIMBAD) ye una estrella binaria na constelación del Llobu. Alcuéntrase a 117 años lluz del Sistema Solar.Zeta Lupi (Stars, Jim Kaler)
Zeta Lupi A La estrella primaria, Zeta Lupi A, tien magnitú aparente +3,41. Ye una xigante mariella de tipu espectral G7III. La so temperatura efectivo ye de 5025 K y ye 59 vegaes más lluminosa que'l Sol. Tien un radiu 10,1 vegaes más grande que'l radiu solar y una masa 2,5 vegaes mayor que la del Sol. Anguaño, nel so nucleu internu funde'l heliu en carbonu y oxíxenu.
Zeta Lupi B Zeta Lupi B, la estrella secundaria, tien magnitú +6,74 y probablemente ye una estrella de la secuencia principal de tipu F8V. La so lluminosidá ye aproximadamente'l doble de la lluminosidá solar y el so radiu ye un 30% más grande que'l del Sol. Tien una masa de 1,2 mases solares.
La separación visual ente Zeta Lupi A y B ye de 71 segundos d'arcu. Magar que nun se reparó movimientu orbital dalgunu, dambes estrelles tán de xuru rellacionaes, yá que tienen el mesmu movimientu al traviés del espaciu. La distancia real ente elles ye de, siquier, 2600 UA, siendo el so periodu orbital non inferior a 68.000 años.
Referencies
Categoría:Estrelles Categoría:Nanes marielles Categoría:Estrelles binaries Categoría:Constelación de Lupus