Zeta Tucanae (ζ Tuc / HD 1581 / HR 77 / GJ 17) ye una estrella na constelación de Tucana de magnitú aparente +4,23.LHS 5 -- High proper-motion Star (SIMBAD) Ye la tercer estrella más brillosa de la constelación detrás de α Tucanae y γ Tucanae.
Zeta Tucanae ye una nana mariella de tipu espectral F9V que la so temperatura efectivo ye de 5900 K, unos 120 K más caliente que la del Sol. Con una masa asemeyada a la solar, ye un 26% más lluminosa que la nuesa estrella. El so radiu ye un 8% más grande que'l radiu solar y xira sobre sigo mesma con una velocidá de rotación proyeutada próxima a cero.Zeta Tucanae (Stars, Jim Kaler) Presenta una baxa metalicidá —bayura relativa d'elementos más pesaos que'l heliu— con un valor en redol al 60% de la solar. Piénsase que tien una edá averada de 4840 millones d'años, bien paecida a la del Sol (4600 millones d'años). Observaciones nel infrarroxu realizaes col Telescopiu espacial Spitzer revelen un escesu a 70 μm, lo que se rellaciona cola presencia d'un discu circumestelar de polvu.
Zeta Tucanae alcuéntrase a 28 años lluz del Sistema Solar. Les estrelles más cercanes a ella son dos nanes coloraes, Gliese 54 y Gliese 877, a 3,1 y 6,2 años lluz respeutivamente. Nun se detectaron oxetos del tamañu d'una nana marrón —con masa entendida ente 20 y 80 vegaes la masa de Xúpiter— dientro de les 10 UA más próximes a la estrella. Zeta Tucanae alcuéntrase ente los oxetivos prioritarios del Terrestrial Planet Finder (TPF) pa la busca de planetes terrestres que puedan allugar vida.
Ver tamién Llista d'estrelles brilloses más cercanes
Referencies
Categoría:Estrelles Categoría:Nanes marielles Categoría:Constelación de Tucana