thumb|250px|left|Banana (plátanu) ye un importante productu d'esportación de Belize. La economía de Belize ye la más pequeña de la rexón centroamericana, pero ye la tercera en PIB per capita en Centroamérica, solo dempués de Panamá y Costa Rica. Turismu ye la principal fonte d'ingresos estranxeros d'esta pequeña economía, siguiéndose pola esportación de petroleu crudo, de productos pesqueros, azucre, frutes cítriques y plátanos. Dende 1998, hasta l'añu 2002, el turismu representó'l 19.9% del PIB (Productu Internu Brutu).
La estabilidá de la moneda ye unu de los curiosos pa la inversión estranxera. En 1996 l'ingresu per cápita foi de US$ 2.308 ente qu'en 1989 fuera de $1.664, lo que representó una crecedera de 39%. El productu internu brutu (PIB) creció 67% ente 1989 ($306 millones) y 1996 ($512 millones), ente que la población creció 21% nesi mesmu periodu. El PIB rexistró una tasa de crecedera real de 3,8% en 1995 y de 1,5% en 1996. Anque la inflación ye baxa, en 1996 intensificóse: l'índiz de precios al consumidor foi de 2,8% en 1995 y de 6,4% en 1996, ente que'l permediu de los cinco años anteriores foi de 3,2%.
esportaciones Les esportaciones de Belize de bienes y servicios representen aproximadamente'l 57.6% del PIB. Los productos d'esportación, principalmente tán constituyíos por mariscos tales como'l camarón, siguíos por azucre, productos cítricos, banano y pequeñes manufactures.
La moneda oficial ye'l dólar Belizeño que la so equivalencia ye de Bz$2 por US$1. La mayoría de los establecimientos comerciales acepten dólares americanos.
Referencies