Bonnie Bedelia Culkin ye una actriz d'Estaos Xuníos de cine y televisión.
Biografía Bonnie Bedelia Culkin nació nel senu d'una familia xudía. Estudió balé en Nueva York y trabayó mientres dellos años en Broadway.
A finales de los años sesenta Bedelia empezó a apaecer en televisión, y de ende pasó al cine, onde fixo'l so verdaderu debú en 1969 na película They Shoot Horses, Don't They?, con Jane Fonda nel papel principal. Causó una bona impresión, tamién cola so siguiente película, polo que-y la consideró una nueva promesa del cine. Sicasí, Bedelia foi bien selectiva n'aceptar papeles de calter convencional, lo que motivó que nos años 70 fixera poques películes.
Nesa dómina Bedelia dedicóse intensamente a la televisión, mediu nel qu'intervieno en numberoses películes y miniseries, incluyida la so apaición como Alice Harper/Cartwright nel episodiu de dos partes: "Forever", en September 12 de 1972 de la serie Bonanza y como Laurie Mansfield na temporada 10, capitulo 27 "The unwanted", estrenada'l 6 d'abril de 1969.
Na so carrera Bedelia participó nun mayor númberu de producciones televisives qu'en películes de cine. En 1988 apaeció nel ésitu de taquilla Die Hard (Xungla de cristal), nel papel de Holly Gennaro McClane, esposa de John McClane (Bruce Willis), y en 1990 na segunda entrega d'esta película, según en Presuntu inocente, xunto a Harrison Ford. Estos trés películes diéronlu nuevamente una notable popularidá como actriz de cine. Tres años más tarde intervieno en La tienda, con Ed Harris y Max von Sydow, película cola que collechó tamién un ésitu importante.
Bedelia ta casada y tien dos fíos. Ye tía de los actores Macaulay Culkin, Kieran Culkin, Christian Culkin, Shane Culkin, Rory Culkin y Dakota Culkin.
Filmografía Berkeley (2005) Manhood (2003) Sordid Lives (2000) A cualesquier otru llugar (1999) Gloria (1999) Bad Manners (1997) Secretu xudicial (1994) Ensin pallabres (1994) La tienda (1993) Presuntu inocente (1990) Die Hard 2 (1990) Somebody Has to Shoot the Picture (1990) Creadores de solombres (1989) The Prince of Pennsylvania (1988) Die Hard (1988) The Stranger (1987) The Boy Who Could Fly (1986) Violets Are Blue... (1986) Death of an Angel (1985) Heart Like a Wheel (1983) The Big Fix (1978) Between Friends (1973) Lovers and Other Strangers (1970) They Shoot Horses, Don't They? (1969) The Gypsy Moths (1969)
Referencies
Enllaces esternos
Categoría:Persones de Nueva York Categoría:Actores y actrices d'Estaos Xuníos Categoría:Ganadores del Theatre World Award