Vida personal Craig Bierko nació en Rye Brook, Nueva York, fíu de Pat y Rex Bierko, quien trabayaba nun teatru local.Craig Bierko Biography (1965?-) Bierko estudió periodismu na Universidá de Boston y depués na Universidá de Northwestern (onde se graduó en 1986). La so madre yera xudía y convirtióse al catolicismu, criándolo como católicu, anque él dixo que ta "bien conectáu" col so orixe xudíu.
Tuvo rellaciones sentimentales con actrices como Charlize Theron, Gretchen Mol (con quien trabayó en The Thirteenth Floor), Janeane Garofalo y Meg Ryan.
Carrera Bierko consiguió'l so primer papel importante en 1990 xunto a Valerie Bertinelli y Matthew Perry na sitcom de la CBS Sydney, sicasí la producción duró solo 13 episodios. Siguió faciendo papeles en series de televisión como Amen, Wings y Ally McBeal. Bierko ye, quiciabes, mayormente conocíu polos sos papeles como Timothy na película d'aición The Long Kiss Goodnight (1996), como'l boxeador Max Baer en Cinderella Man, como Tom Ryan en Scary Movie 4 (asonsañando a Tom Cruise) y como Harold Hill na obra de Broadway The Music Man. Amás protagonizó The Thirteenth Floor (1999), una película de ciencia ficción na que fai'l papel de Douglas Hall.
Orixinalmente foi escoyíu pa interpretar a Chandler Bing na serie Friends, pero refugó'l papel. En televisión tuvo un curtiu papel como'l músicu de jazz amigu de Carrie Bradshaw (Sarah Jessica Parker) na cuarta temporada de Sex and the City. Tuvo otru curtiu papel como l'abogáu Jeffrey Coho mientres la tercer temporada de la serie Boston Legal y como protagonista na comedia de FOX Unhitched. Amás foi contratáu pal papel de Dave Lister nel pilotu de la versión d'Estaos Xuníos de Red Dwarf, pero nun llegaría a convertise nuna serie.
Filmografía Wings (1990) Red Dwarf (1992) (pilotu) Danielle Steel's Star (1993) The Long Kiss Goodnight (1996) 'Til There Was You (1997) Sour Grapes (1998) Fear and Loathing in Las Vegas (1998) The Thirteenth Floor (1999) The Suburbans (1999) Ally McBeal (2000) (un capítulu) Kate & Leopold (2001) (ensin acreitar) Sex and the City: Temporada 4 (2002) Dickie Roberts: Former Child Star (2003) Cinderella Man (2005) Scary Movie 4 (2006) Danika (2005) For Your Consideration (2006) Boston Legal: Tercer temporada (2006) Unhitched (2008) Superhero Movie (2008) Meet Bill (2008) (ensin acreitar) Head Case (2009) Damages (2010) The Good Wife: Season 1 (2010) The Change Up (2011) Necessary Roughness (2011) The Three Stooges (2012) Scary Movie 5 (2013)
Referencies
Enllaces esternos
Categoría:Actores y actrices d'Estaos Xuníos Categoría:Persones de Nueva York Categoría:Ganadores del Theatre World Award