James Harrison Coburn, Jr. , foi un actor de cine d'Estaos Xuníos d'América, ganador del premiu Óscar al Meyor actor de repartu en 1998 pola película Affliction.

Biografía Coburn nació en Laurel, Nebraska, fíu de Mylet S. (nacida Johnson) y James Harrison Coburn, Sr., un mecánicu de coches. Los sos güelos maternos fueron inmigrantes de Suecia. Creció en Compton, California, actuando n'obres escolares, y llegando a faer el so debú sobre les tables en La Jolla Playhouse.

Primeros años Habiendo estudiáu interpretación en Nueva York con Stella Adler, el so debú vieno en 1959 de la mano de Randolph Scott, nel western Ride Lonesome. Esi mesmu añu apaeció tamién n'otru western menor, Face of a Fugitive, y en dellos capítulos de la serie de televisión Bonanza, enantes d'interpretar el papel de Britt nel mega-ésitu de John Sturges The Magnificent Seven (1960). Sturges volvió confiar en Coburn pa la so siguiente superproducción, The Great Escape (1963). Coburn participó tamién na película d'intriga Charada (1963) de Stanley Donen, con Cary Grant y Audrey Hepburn.

Apoxéu Nos años 1960 empezó a trabayar col "enfant terrible" de Hollywood, Sam Peckinpah, y el so papel na película Major Dundee fíxo-y ser más conocíu dientro de la industria cinematográfica. A mediaos de dicha década, interpretó al axente secretu d'Estaos Xuníos Derek Flint en dos películes paródiques de la serie de películes de James Bond, Our Man Flint (1966) y In Like Flint (1967). Tamién participó na comedia ¿Qué fixisti na guerra, papi? (1966) de Blake Edwards. A finales de la década, fixo gran amistá, entrenó y entamó realizar una película cola lleenda de les artes marciales Bruce Lee, pero la repentina muerte de Lee atayó'l proyeutu.

Na década de los 1970, collaboró col conocíu direutor italianu Sergio Leone na película ¡Agáchate, malditu! (1971), na qu'interpreta a un irlandés espertu n'esplosivos, que viaxa a Méxicu mientres la dómina de la Revolución mexicana.

En 1972 recibió una ufierta pa trabayar n'España col direutor italianu Tonino Valerii, nel filme Una razón pa vivir y una pa morrer, una película bélica ambientada nel oeste d'Estaos Xuníos y con toques de spaghetti western. Tamién trabayó nuevamente con Sam Peckinpah en dos películes, Pat Garrett y Billy The Kid (1973) y La cruz de fierro (1977), un filme fechu a la midida qu'alluga una de les sos meyores actuaciones.

Coburn apaeció nel añu 1973 na portada del álbum Band on the Run del grupu Wings.

A finales de dicha década, diagnosticóse-y una artritis reumatoide, lo qu'afeutó a la so salú y al so trabayu mientres munchos años, hasta que por aciu d'una automedicación basada en compuestos orgánicos de sulfuru llogró una meyora definitiva.

A principios de la década de 1980, el creador de la mítica serie The A Team, Stephen J. Cannell, ponse'n contautu con él por qu'interpretara el papel de John «Aníbal» Smith, el protagonista. James refugó la ufierta, y el papel realizólu George Peppard, que yera'l siguiente na llista de Cannell.

Na década de 1990, una vegada recuperáu y totalmente restablecíu de la so enfermedá, apaecería de nuevu en películes como Maverick, xunto a Mel Gibson y Jodie Foster, y en producciones televisives.

Probablemente, James Coburn foi'l primer sorprendíu en 1998 cuando foi candidatu, y ganó, l'Óscar al Meyor actor de repartu por interpretar al alcohólicu padre de Nick Nolte en Affliction (1997).

Muerte A los 70 años d'edá, James Coburn recibió un nuevu impulsu na so carrera, apaeciendo en 14 títulos. Sicasí, en payares de 2002 finó d'un ataque al corazón a la edá de 74 años. Los sos restos atópense nel Campusantu Westwood Village Memorial Park de Los Angeles, California.

Nos sos 45 años de carrera, Coburn destacó por desenvolver papeles de personaxes enigmáticos y aturbolinaos.

Filmografía destacada {| |- style="vertical-align: top;" | Ride Lonesome (1959) Face of a Fugitive (1959) The Magnificent Seven (1960) The Murder Men (1961) The Great Escape (1963) Charada (1963) The Man from Galveston (1963) Kings of the Sun (1963) The Americanization of Emily (1964) Major Dundee (1965) A High Wind in Jamaica (1965) The Loved One (1965) Our Man Flint (1966) ¿Qué fixisti na guerra, papi? (1966) Dead Heat in a Merry-go-round (1966) In Like Flint (1967) Waterhole #3 (1967) The President´s Analyst (1967) Duffy (1968) Candy (1968) Hard Contract (1969) Last of the Mobile Hot Shots (1970) </td> ¡Agáchate, malditu! (1971) The Carey Treatment (1972) The Honkers (1972) Una razón pa vivir y una pa morrer (1972) Harry in Your Pocket (1973) Pat Garrett y Billy The Kid (1973) The Last of Sheila (1973) The Internecine Project (1974) Bite the Bullet (1975) Hard Times (1975) Sky Raiders (1976) The Last Hard Men (1976) Midway (1976) La cruz de fierro (1977) Firepower (1979) The Muppet Movie (1979) Goldengirl (1979) The Baltimore Bullet (1980) Loving Couples (1980) Mr. Patman (1980) High Risk (1981) Looker (1981) Martin's Day (1984) Death of a Soldier (1986) Call from Space (1989) Young Guns II (1990) Hudson Hawk (1991) Deadfall (1993) Maverick (1994) The Set Up (1995) Skeletons (1996) Eraser (1996) The Nutty Professor (1996) Keys to Tulsa (1997) Affliction (1997) Payback (1999) The Good Doctor (2000) Intrepid (2000) Monsters, Inc. (2001), voz Proximity (2001) Yellow Bird (2001) The Man from Elysian Fields (2001) Snow Dogs (2002) American Gun (2002)

Premios

Óscar Añu Categoría Película Resultáu1998Meyor actor de repartuAfflictionGanador

Premios del Sindicatu d'Actores Añu Categoría Película Resultáu1998Meyor actor de repartuAfflictionCandidatu

Independent Spirit Awards Añu Categoría Película Resultáu1998Meyor actor de repartuAfflictionCandidatu

Bibliografía Roberto Curti, James Coburn. El samurai del Oeste, Diputaciòn de Almeria, 2005.

Referencies

Enllaces esternos

James Coburn ganando l'Óscar por Affliction (1998). Photos of the shooting Book Gesprengte Ketten - The Great Escape, Fotografien des Kameramanns Walter Riml

Categoría:Actores y actrices d'Estaos Xuníos Categoría:Actores y actrices de wéstern Categoría:Ganadores del premiu Óscar al meyor actor de repartu Categoría:Persones de Nebraska