Dorothea Heermance , más conocida como June Collyer, foi una actriz cinematográfica d'Estaos Xuníos que trabayó principalmente nos años venti y trenta.
Biografía Yera hermana de Bud Collyer, y la so cuñada yera l'actriz Marian Shockley. Collyer escoyó como moteyo'l nome de soltera de la so madre. El so primer papel d'importancia llegó en 1927 con East Side, West Side (Titanic). Rodó un total d'once películes na dómina del cine mudu y, a diferencia d'otros munchos artistes del so tiempu, fixo con ésitu la transición al cine sonoru.
En 1928 foi escoyida como una de los trelce "WAMPAS Baby Stars", un honor que la so futura cuñada Marian Shockley recibiría en 1932. En 1930 Collyer trabayó xunto a Louise Dresser y Joyce Compton en The Three Sisters, y esi mesmu añu actuó con Claudia Dell en Sweet Kitty Bellairs (La duce Kitty). Interpretó diecinueve películes ente 1930 y 1936. Nos años cuarenta nun trabayó, en bona parte por non recibir ufiertes interesantes. Nos años cincuenta volvió actuar, con un papel regular na serie televisiva The Stu Erwin Show, ente 1951 y 1955. Tamién actuó nun episodiu de la serie de 1958 Playhouse 90, dempués de lo que retiróse.
Tuvo casada col actor Stuart Erwin. Vivió en Los Angeles (California). finando na mesma a los 61 años d'edá en 1968, por causa d'una neumonía.
Ver tamién Cuatro fíos La huerfanita
Referencies
Enllaces esternos
Sobre June Collyer; nel sitio Silent Ladies.
Categoría:Actores y actrices de Nueva York Categoría:Persones de Nueva York Categoría:Actores y actrices de cine mudu