Andre Brandon De Wilde foi un actor d'Estaos Xuníos.
Primeros años y carrera De Wilde nació en Brooklyn, Nueva York, nel senu d'una familia dedicada a l'actividá teatral. El so padre, Frederick A. De Wilde, yera un productor teatral de Broadway, y la so madre, Eugenia De Wilde, yera actriz a tiempu parcial en Broadway. Tres la nacencia del actor, la familia treslladóse a Baldwin, Condáu de Nassau (Nueva York).
Brandon De Wilde tuvo un aclamáu debú en Broadway a los 7 años d'edá cola obra The Member of the Wedding, y foi'l primer actor infantil en ganar el Premiu Donaldson. Tamién protagonizó la versión cinematográfica de 1952 (dirixida por Fred Zinnemann).Lillian and Helen Ross, 'The Player: A Profile of an Art,' c. 1961, Nueva York, NY. "Brandon De Wilde," p. 43 First Limelight Edition, 1984
En 1952 De Wilde actuó nel filme Shane nel papel de Joey Starlett, y foi nomáu al Óscar al meyor actor de repartu pola so interpretación. Tamién protagonizó la so propia serie televisiva, Jamie (1953-1954), que, anque foi popular, atayóse por causa de disputes pol contratu. En 1956 trabayó xunto a Walter Brennan, Phil Harris y Sidney Poitier na película Good-bye, My Lady, adautación del llibru de James H. Street.
En 1956, con 14 años d'edá, De Wilde narró la obra musical clásica Pedro y el llobu de Sergéi Prokófiev, y la de Benjamin Britten titulada Young Person's Guide To The Orchestra, basada en música compuesta nel sieglu XVII por Henry Purcell.
De Wilde trabayó xunto a James Stewart y Audie Murphy nel western de 1957 Night Passage. Dexó'l so calquier como adolescente nel drama de 1959 Blue Denim, xunto a Carol Lynley. Tamién actuó en All Fall Down (1962), con Warren Beatty y Eva Marie Saint, y nel filme de Martin Ritt Hud (1963), xunto a Paul Newman, Patricia Neal y Melvyn Douglas. Anque foi l'únicu de los primeros actores del repartu en nun ser nomáu al Óscar, De Wilde salió a escena pa recoyer el troféu al meyor actor de repartu pal so compañeru Melvyn Douglas (que nesi momentu alcuéntrase n'Israel). Esi mesmu añu trabayó con Jack Palance nun drama circense de l'ABC, The Greatest Show on Earth.
De Wilde fixo otra aplaudida interpretación a los 22 años d'edá como Jere Torry, el fíu de John Wayne nel filme In Harm's Way (1965). Nuna carrera que tomó dende 1951 a 1972 (incluyendo seis obres en Broadway y 16 películes), la so última actuación pa la pantalla tuvo llugar con Wild In The Sky.
Fallecimientu Brandon De Wilde sufrió un accidente de tráficu nun suburbiu de Denver, Colorado, la tarde del 6 de xunetu de 1972, mientres se treslladaba na so furgoneta p'actuar na obra Butterflies Are Free. Con cuenta de evitar el choque con otru vehículu, xiró sópito y topetó contra un trailer que s'atopaba aparcáu a un llau de la cai, quedando atrapáu nel interior del vehículu. Foi treslladáu al Hospital Xeneral de Denver, onde finaría cuatro hores más tarde. Nesi momentu De Wilde taba casáu cola so segunda esposa y dexó un fíu, Jesse.
Foi enterráu primero en Hollywood, pero darréu los sos padres treslladaron los restos al campusantu "Pinelawn Memorial Park" de Farmingdale, Nueva York, más cerca de la casa que teníen en Long Island.
Filmografía Film bgcolor="#CCCCCC" align="center" Añu Film Papel Notes 1952 The Member of the Wedding John Henry 1953 Shane Joey Starrett Nomáu: Óscar al meyor actor de repartu 1956 Good-bye, My Lady Skeeter 1957 Night Passage (La última bala) Joey Adams 1958 The Missouri Traveler Biarn Turner 1959 Blue Denim Arthur Bartley Títulu alternativu: Blue Jeans 1962 All Fall Down (El so propiu infiernu) Clinton Willart 1963 Hud Lon "Lonnie" Bannon Acreditáu como Brandon de Wilde1965 Those Calloways Bucky Calloway Acreditáu como Brandon de Wilde In Harm's Way (Primer victoria) Ens. Jeremiah "Jere" Torrey 1967 The TripEnsin acreitar 1971 The Deserter (La quebrada del diañu) Ferguson Otros títulos: The Devil's BackboneRide to Glory 1972 Wild in the Sky Josh Otros títulos: Black JackGod Bless the Bomb Television Añu Títulu Papel Notes 1951-1952 The Philco Television Playhouse 2 episodios 1953 ABC Album Jamie McHummer 1 episodiu 1953-1954 Jamie Jamison Francis McHummber 22 episodios 1955-1956 Climax! Robbie EunsonTip Malone 2 episodios 1956 Screen Director's Playhouse Terry Johnson 1 episodiu 1957 The United States Steel Hour David 1 episodiu 1959 Alcoa Theatre George Adams 1 episodiu 1959-1961 Wagon Train Danny BenedictMark Miner 2 episodios 1961 Thriller Tim Branner 1 episodiu 1962-1970 The Virginian James "Mike Flynn" CaffertyWalt BradburyRem Garvey 3 episodios 1963 The Nurses Paul Marker 1 episodiu 1964 The Greatest Show on Earth Vic Hawkins 1 episodiu Walt Disney anthology television series Jim Tevis 3 episodios Twelve O'Clock High Cpl. Lawrence 1 episodiu 1965 The Defenders Roger Bailey, Jr. 1 episodiu 1966 Combat! Wilder 1 episodiu ABC Stage 67 Carl Boyer 1 episodiu 1969 The Name of the Game Bobby Currier 1 episodiu Journey to the Unknown Alec Worthing 1 episodiu Hawaii Five-O Arnold Potter 1 episodiu Love, American Style Jimmy Devlin 1 episodiu 1970 Insight Weissberg The Young Rebels1 episodiu 1971 Galería Nocherniega Johnson 1 episodiu Ironside George Whittaker 1 episodiu
Referencies
Enllaces esternos
Brandon De Wilde en Classic Movie Kids
Categoría:Actores y actrices d'Estaos Xuníos Categoría:Ganadores del premiu Globu d'Oru Categoría:Persones de Brooklyn