Felicia Farr ye una actriz d'Estaos Xuníos.
Trayeutoria Felicia Farr empezó la so carrera como modelu fotográfica a lo llargo de los años cincuenta, actividá que siguió tamién na década de los sesenta. Tres delles apaiciones ensin importancia nel cine, en 1955 consiguió'l so primer papel importante na película Jubal de Delmer Daves, na qu'interpretaba a la moza que lliberaba al protagonista (Glenn Ford) de los llazos de adulterar interpretada por Valerie French.
Al añu siguiente ye la protagonista femenina d'otru western Llibertá o muerte de Byron Haskin, una pseudo biografía de Sam Houston, onde Joel McCrea interpretaba al insigne xeneral. Sigue colos westerns y el so siguiente papel protagonista tamién de 1956 ye La llei del talión de Delmer Daves y con Richard Widmark de compañeru de repartu. Termina l'añu con un nuevu western tituláu Reprisa, dirixíu por George Sherman y con Guy Madison como protagonista. Y en 1958 y de nuevu dientro del western y col direutor Delmer Daves una de les sos películes más importantes, El tren de les 3:10 con Glenn Ford y Van Heflin como compañeros de repartu.
A partir d'equí un par de películes menores, una comedia onde compartía papel con Walter Matthau y un western con Audie Murphy. Nos sesenta pasa a trabayar na televisión en series como Bonanza, Alfred Hitchcock presenta, ente otres. En 1962 contrái matrimoniu con Jack Lemmon y en 1964 fai un fugaz regresu al cine cola comedia de Billy Wilder, Bésame, tontu, compartiendo cartelu con Dean Martin y Kim Novak. De magar, salvu escases apaiciones nel cine sigue la so carrera televisiva hasta qu'en 1986 retírase definitivamente de la interpretación.
Referencies
Enllaces esternos