Ruth Ford foi una modelu y actriz teatral y cinematográfica d'Estaos Xuníos.
Biografía Nacida en Brookhaven (Mississippi), el so hermanu yera'l bohemiu y surrealista Charles Henri Ford, y los sos padres dirixíen l'Hotel Tennessee en Clarksville (Tennessee).
Como modelu Ford posó pa Harper's Magazine, Town & Country y Mademoiselle.
Tuvo casada col actor Peter Van Eyck, pero la pareya acabó divorciándose. Tuvieron una fía, Shelley, nacida en 1941. Ford casóse darréu cola estrella cinematográfica Zachary Scott, permaneciendo xuntos hasta finar Scott en 1965.
Antes de viaxar a Hollywood, Ford yera miembru de la compañía teatral d'Orson Welles, la Mercury Theatre. Gracies al sofitu de Welles ella consiguió contratos cinematográficos colos estudios Columbia Pictures y Warner Bros..
Más palantre, como actriz teatral trabayó na obra representada nel 1976 nel circuitu de Broadway Poor Murderer.
Ruth Ford finó en 2009, a los 98 años d'edá, na ciudá de Nueva York, nel famosu Edificiu Dakota, en Manhattan, onde tenía dos apartamentos. Según The Wall Street Journal el so patrimoniu yera de 8.4 millones de dólares, y unu de los apartamentos perteneciera al so hermanu Charles, fináu primero qu'ella.
Trayeutoria en Teatru Harold and Maude, 1980 Poor Murderer, 1976 The Grass Harp, 1971 The Ninety Day Mistress, 1967 Dinner at Eight, 1966 The Milk Train Doesn't Stop Here Anymore, 1964 Requiem for a Nun, 1959 Island of Goats, 1955 The House of Bernarda Alba, 1951 Clutterbuck, 1949 This Time Tomorrow, 1947 Non Exit, 1946 Swingin' The Dream, 1939 Danton's Death, 1938 The Shoemakers' Holiday, 1938
Referencies
Enllaces esternos
Obituariu de Ruth Ford en The Daily Telegraph Obituariu de Ruth Ford en The Times "I leave it all to my butler – the dying wish of reclusive star"
Categoría:Actores y actrices de Mississippi