Richard Jenkins ye un actor d'Estaos Xuníos d'América.
Biografía Richard Dale Jenkins nació y crióse en DeKalb, un pueblu agrícola n'Illinois. La so madre, Mary Elizabeth Jenkins (de soltera Wheeler), yera ama de casa, y el so padre, Dale Stevens Jenkins, yera dentista.
Antes de ser actor, trabayó nuna empresa de tresporte (siendo'l so xefe'l padre del actor John C. Reilly).
Estudió na Universidá Wesleyan y fixo un programa de teatru nel Indiana State College; ellí formóse so les enseñances de Harold Guskin, una importante influencia na so carrera.
Cuenta Jenkins que ver a Michael Caine en Alfie foi l'impulsu que precisaba pa decidise a ser actor. Y esplegaría el so talentu actoral nos escenarios teatrales mientres quince años (cuatro d'ellos como direutor artísticu) na Trinity Repertory Company de Rhode Island, n'obres indiscutibles como Esperando a Godot, Macbeth, American Buffalo, De mures y homes.
No qu'a la pantalla refierse, l'actor empezó na pequeña en 1974, en telefilmes de poco interés. Y anque los papeles que-y daben yeren mínimos, daqué tenía de tener, por que Lawrence Kasdan fichára-y pa Silverado (1985), Woody Allen pa Hannah and Her Sisters (1986), y George Miller pa The Witches of Eastwick (1987).
Foi nos 80 cuando empezó a participar asiduamente en cine, con películes como The Manhattan Project, Espíes ensin identidá y Sea of Love, amás de qu'intervieno nun par episodios de la serie Miami Vice. Pero amás de sufridor, tenía cara de comediante, o bien encaxaba en dambos. Asina lo entendieron los hermanos Farrelly (Peter y Bobby), que lo reclutaron pa títulos como There's Something About Mary y Me, Myself & Irene, y otros hermanos, los Coen, con quien fixo L'home que nunca tuvo ellí, Intolerable Cruelty y Burn After Reading. Otres comedies que cunten cola so presencia inclúin Te puede pasar a ti, Flirting with Disaster, Cheaper By the Dozen y Step Brothers.
Ente los sos trabayos más recién destaquen drames (North Country), ya inclusive ciencia ficción (El nucleu). Y nel so currículum tien collaboraciones con Sydney Pollack (Random Hearts), David O. Russell (Estrañes coincidencies) y Rob Reiner (Rumor Has It...).
Pero'l papel que-y reportaría la verdadera fama foi'l del Profesor Walter Vale na película de Thomas McCarthy; The Visitor (2007), que trata sobre un home solitariu de la mediana edá que la so vida camuda cuando s'enfrenta con problemes d'identidá social, inmigración y comunicación intercultural, depués de los ataques del 11 de setiembre en Nueva York. Por esti papel recibió la so primer nominación al Óscar al meyor actor en 2008, amás del aplausu unánime de la crítica.
Ente otros proyeutos, en televisión: destaca'l so papel de Nathaniel Fisher Sr., el patriarca fináu de la serie Six Feet Under (2001-2005) de la HBO, y nel teatru: ye miembru de la compañía teatral Trinity Repertory Company, de Rhode Island, dende hai 14 años, y foi direutor artísticu de la mesma mientres 4 años.
Tocantes a la so vida personal, dende 1969 ta casáu con Sharon R. Friedrick, cola que tien dos fíos, Sarah Pamela y Andrew Kenneth. Anguaño vive en Rhode Island.
Filmografía parcial 2013 - Asaltu al poder como Eli Raphelson, el Presidente de la Cámara de Representantes d'Estaos Xuníos 2012 - Pactu de silenciu como Jed Lewis 2012 - Jack Reacher como Alex Rodin 2012 - Killing Them Softly como l'abogáu, intermediariu ente Jackie Cogan y la mafia 2012 - Lliberal Arts 2011 - Waiting for Forever 2011 - The Cabin in the Woods como Gary Sitterson. 2011 - Friends with Benefits como Mr. Harper 2010 - The Rum Diary 2010 - HappyThankYouMorePlease 2010 - Eat, Pray, Love 2010 - Querido John 2010 - Let Me In 2008 - Burn After Reading Ted Treffon 2008 - Step Brothers 2008 - The Broken 2008 - The Tale of Despereaux (voz) 2007 - The Kingdom 2007 - The Visitor 2006 - North Country 2005 - Fun with Dick and Jane 2004 - ¿Baillamos? 2004 - Intolerable Cruelty 2002 - Stealing Harvard 2002 - Changing Lanes 2001 - The Man Who Wasn't There 2001 - Say It isn't So (2000 - 2005) Six Feet Under 2000 - Me, Myself & Irene 1999 - Absolute Power 1998 - The Impostors 1998 - There's Something About Mary 1997 - Into Thin Air 1996 - Flirting with Disaster 1998 - Llobu 1989 - Sea of Love 1987 - The Witches of Eastwick 1986 - Hannah and Her Sisters 1985 - Silverado thumb|150px|Jenkins na 81ª ceremonia d'entrega de los premios Óscar, en 2009.
Premios y nomamientos Llista incompleta de premios Premiu Óscar Añu Categoría Película Resultáu 2008Meyor actorThe VisitorNomáu
Premios del Sindicatu d'Actores Añu Categoría Película Resultáu 2008Meyor actor protagonistaThe VisitorNomáu 2002Meyor repartu de televisión - DramaSix Feet UnderNomáu
Premios Satellite Añu Categoría Película Resultáu 2008Meyor actor - DramaThe VisitorGanador
Festival Internacional de Cine de Moscú Añu Categoría Película Resultáu 2008Premiu "Silver St. George" al meyor actorThe VisitorGanador
Premios Independent Spirit Añu Categoría Película Resultáu 2008Meyor actorThe VisitorNomáu 1996Meyor actor de repartuFlirting with DisasterNomáu
Referencies
Enllaces esternos
Categoría:Persones d'Illinois Categoría:Actores y actrices d'Estaos Xuníos