Violet La Plante, tamién conocida como Violet Avon foi una actriz cinematográfica d'Estaos Xuníos mientres la dómina del cine mudu.
La Plante, nacida y criada en Saint Louis (Missouri), foi la hermana menor de la futura estrella de Hollywood Laura La Plante, y empezó a actuar nos primeros años venti. La so primer película foi Battling Buddy (1924), y nella trabayaba con Buddy Roosevelt. Protagonizaría cuatro film en 1924, y en 1925 solo rodaría unu, anque esi añu foi nomada una de los trelce "WAMPAS Baby Stars", xunto a la futura estrella de la serie Our Gang June Marlowe. La so hermana Laura tamién foi una "WAMPAS Baby Star", anque en 1923.
A pesar del títulu de "WAMPAS Baby Star", nunca consiguió l'ésitu de la so hermana. En 1926 y 1927 trabayó nuna sola película añal, y en 1928 namái en dos. La so carrera remató cola llegada del cine sonoru, siendo'l so últimu papel el que fizo en 1928 nel filme How to Handle Women. Finalmente asitióse en La Jolla, California, onde vivía nel momentu del so fallecimientu en 1984.
Referencies
Enllaces esternos
Categoría:Actores y actrices de Missouri Categoría:Actores y actrices de cine mudu