Rowland Vance Lee foi un direutor, guionista, productor y actor cinematográficu d'Estaos Xuníos.

Biografía Nacíu en Findlay (Ohio), los sos padres yeren comediantes. Cursó estudios na Universidá de Columbia y debutó na interpretación siendo neñu, llegando a actuar de manera notable nos locales del circuitu de Broadway. Sicasí, atayó mientres un tiempu la so carrera pa trabayar como corredor en Wall Street.

Tres dos años combatiendo en Francia mientres la Primer Guerra Mundial, volvió a la escena buscando fortuna en Hollywood, onde foi contratáu por Thomas H. Ince pa trabayar como actor en 1915, y como direutor a partir de 1920.

Nos años del cine mudu Lee tuvo la oportunidá de dirixir a delles de les grandes estrelles en producciones de prestíu: a Florence Vidor y Bessie Love en dos adautaciones de Booth Tarkington; a George O'Brien nuna adautación de Joseph Conrad; a George Bancroft, a la rusa Olga Baclanova, o la francesa Renée Adorée, ente otres. Xunto a Ernst Lubitsch, Dimitri Buchowetzki y Mauritz Stiller, Lee foi unu de los direutores favoritos de Pola Negri, dirixendo a l'actriz en cuatro film.

A lo llargo de tola so carrera Lee foi consideráu como un cineasta d'inspiración europea, tantu na so faceta británica (Tower of London (película|Tower of London)) como na europea central. Dientro d'esta postrera rodó la so obra maestra Zoo In Budapest (1933), qu'ufiertó a Loretta Young una de los sos más belles actuaciones. Direutor d'actrices, Lee dirixó a Fay Wray nel so debú, y a actrices confirmaes como Constance Bennett y Mary Astor. Tamién dirixó a un mozu Gary Cooper en trés causes (Doomsday con Florence Vidor y The First Kiss con Wray en 1928, A Man of Wyoming en 1930), a Ida Lupino en 1936, a Cary Grant en 1937, y a Douglas Fairbanks, Jr.

En 1935 adquirió un terrén de 214 acres nel Valle de San Fernando, y al que bautizó como Farm Lake Ranch, pero que permaneció sol nome de Rowland V. Lee Ranch. Esi terrén sirvió pal rodaxe de numberoses películes gracies a la so redolada natural, destacando d'ente elles I've Always Loved You (1946), At Sword's Point (1952), Friendly Persuasion (1956), Strangers on a Train (1951) y The Night of the Hunter (1955).

Ente los numberosos xéneros que dirixó (comedia policiaca, cine bélicu, drama sentimental, comedia musical - I Am Suzanne, con Lilian Harvey en 1933 - o western), los sos filmes d'horror de baxu presupuestu destaquen de manera particular gracies a la so aveseda atmósfera (Son of Frankenstein, tercer cinta de la serie rodada por Universal Pictures, con Boris Karloff, Bela Lugosi y Basil Rathbone, tuvo un gran ésitu), pero tamién lu faen les sos películes de suspense (dende Agatha Christie a Sax Rohmer) o d'aventures históriques (The Count of Monte Cristo en 1934 con un mozu Robert Donat ; The Son of Monte Cristo en 1940 con Louis Hayward, Joan Bennett y George Sanders, otru británicu; Cardinal Richelieu, con George Arliss). El so últimu filme, Captain Kidd (1945, con Charles Laughton, Randolph Scott, John Carradine y Gilbert Roland) tenía un gran potencial, anque lastrado pol so baxu presupuestu, al igual qu'asocediera con The Three Musketeers en 1935.

Lee foi tamién productor. En retirándose en 1945, volvió en 1959 pa trabayar nel péplum The Big Fisherman, últimu filme dirixíu por Frank Borzage.

Rowland V. Lee finó por causa de un ataque cardiacu en Palm Desert, California, en 1975. Pola so actividá cinematográfica concedióse-y una estrella nel Paséu de la Fama de Hollywood, nel 6313 de Hollywood Boulevard.

Seleición de la so filmografía Direutor 1921 : The Sea Lion 1923 : Gentle Julia 1925 : Havoc 1928 : Doomsday, con Gary Cooper 1928 : Three Sinners 1929 : The Mysterious Dr. Fu Manchu 1930 : Paramount on Parade, filme de sketches 1930 : The Return of Dr. Fu Manchu 1931 : The Guilty Generation 1932 : That Night in London 1933 : Zoo in Budapest 1934 : The Count of Monte Cristo 1935 : Cardinal Richelieu 1935 : The Three Musketeers 1936 : One Rainy Afternoon 1937 : The Toast of New York 1938 : Service de Luxe 1939 : Tower of London 1939 : Son of Frankenstein 1940 : The Son of Monte Cristo 1944 : The Bridge of San Luis Rey, con Alla Nazimova 1945 : Captain Kidd

Productor 1928 : Doomsday 1939 : Tower of London

Actor 1917 : Polly Ann 1920 : His Own Law

Referencies

Enllaces esternos

Sobre Rowland V. Lee nel sitio Virtual History.

Categoría:Direutores de cine d'Estaos Xuníos Categoría:Productores de cine d'Estaos Xuníos Categoría:Direutores de cine mudu Categoría:Actores y actrices de cine mudu