Les llingües itáliques constitúin un grupu de llingües indoeuropees con una serie de traces comunes. Inclúi a les llingües romániques y a un ciertu númberu de llingües estintes, como'l llatín y otres llingües falaes na Antigüedá na Península itálica.
Toles llingües itáliques comparten un bon númberu d'isogloses comunes; asina, toes elles son llingües centum que nun presenten palatalización de les (palato) velares indoeuropees /*k, *kw, *g, *gh, *ghw/. Curiosamente, les llingües romances sí presenten una palatalización posterior de los fonemes llatinos /k, g/, anque namái énte fonemes anteriores /ε,e,i/.
Les llingües itáliques subdivídense en cuatro grupos toes elles estintes a esceición de les llingües romániques:
Clasificación
Llingües llatino-falisques Faliscu † Sículu † Llatín † Llingües romániques (por exemplu: asturianu, castellán, portugués, italianu, francés, rumanu, catalán, etc)
Llingües osco-umbres Grupu Oscu Oscu † Marrucin † Sabín † Pelignu † Vestín † Grupo Umbru † Umbru † Marsu † Ecuo † Volscu † Érnicu † Piscenu † Prensamnita †
Lingua venética Venéticu †
Categoría:Llingües itáliques Categoría:Llingües indoeuropees Categoría:Wikipedia:Artículos ensin plantía llistaref