George Bernard Shaw foi un dramaturgu irlandés premiáu col Nobel de Lliteratura en 1925.
Biografía Nació en Dublín nuna familia protestante irlandesa. So madre yera una talentosa cantante amateur y so padre un comerciante. La educación de George foi davezu irregular por mor del so tarrecimientu pa col enseñu organizáu, asina, de mozu va trabayar a una oficina a Londres. Ellí, convirtióse en conseyeru del barriu de St. Pancras, aplicando la so esperiencia en resolución de problemes cotidianos de la xente, y la reforma social del barriu, esto foi siempres una presencia na so obra y na so vida.
En 1884 axúntase a la Sociedá Fabiana onde trabayará por dar un aspeutu de respetabilidá al naciente socialismu, al traviés d'esta sociedá Shaw llegará a ser famosu polos sos enfotos socialistes na ciudá nos vinientes dolce años.
Ye a la final d'esa dómina cuando escomienza escribir les sos primeres obres, toes enllenes de racionalismu críticu y una falta absoluta del respetu pola ortodoxia, plasmándolos con astucia verbal. Los sos drames teatrales gocien más d'una presencia histórica que los tradicionales, averándose más pa cola novela que pa col teatru. Les sos obres yeren perlleíes pero la dificultá de representales fizo que nun s'espardieren hasta los años venti del sieglu XX.
El calter de la so obra ye un amiestu ente lo dramático, lo cómico y lo social que da a los drames de Shaw la so gran importancia lliteraria. En 1925 recibía'l Premiu Nobel de Lliteratura, qu'aceptó pero nun recoyó.
Finó a la edá de 94 años.
Obres Drames ”The Devil's Disciple Candila John Bull's Other Island “Androcles and the Lion Pygmalion Noveles y Ensayos “Commonsense about the War The Intelligent Woman's Guide to Socialism and Capitalism The Black Girl In Search Of God''
Referencies
Enllaces esternos
Categoría:Escritores d'Irlanda Categoría:Premiu Nobel de Lliteratura Categoría:Persones de Dublín