Max Everitt Rosenbloom, conocíu pol llamatu de Slapsie Maxie foi un boxeador, actor y presentador televisivu d'Estaos Xuníos.
Vida y carrera Nacíu en Leonard's Bridge, Connecticut, Rosenbloom foi moteyáu "Slapsie Maxie" por un periodista por el so estilu de boxear col guante abiertu. En 1930, ganó'l títulu de pesu mediopesado de Nueva York, y en 1932 el Campeonatu del Mundu de pesu mediopesado, títulu que defendió y caltuvo hasta payares de 1934, cuando lo perdió ante Bob Olin. Como boxeador profesional, Rosenbloom dependía davezu de los puntos, y nos sos combates sufrió miles de golpes na cabeza, lo cual finalmente causó-y un deterioru de les sos funciones motores.
En 1937 aceptó un papel nun filme de Hollywood, convirtiéndose nun actor de calter, interpretando a cómicos "grandes tipos" en películes como Each Dawn I Die. En retirándose del boxéu en 1939, dirixó dellos nightclubs en San Francisco (California) y Los Angeles, y siguió actuando na radio, la televisión, y en distintes películes. Na radio trabayó en dellos episodios del Show de Fred Allen interpretándose a sigo mesmu, faciendo inclusive un númberu con Marlene Dietrich. Rosenbloom fixo un importante papel televisivu nel drama Requiem for a Heavyweight, escritu por Rod Serling, y protagonizáu por Jack Palance nel papel d'un boxeador a la fin de la so carrera.
Fallecimientu Maxie Rosenbloom finó por causa d'una Enfermedá de Paget en 1976 en South Pasadena, California. Tenía 68 años d'edá. Foi enterráu nel Campusantu Valhalla Memorial Park de North Hollywood, Los Angeles.
Rosenbloom foi aceptáu nos siguientes Salones de la Fama: Salón de la Fama Ring Boxing, en 1972. Salón de la Fama International Jewish Sports, en 1984. En 1929 lluchara contra otros cuatro boxeadores xudíos nuna velada benéfica llevada a cabu nel Madison Square Garden pa consiguir fondos p'ayudar a Palestina. Salón Mundial de la Fama del Boxéu, en 1985. Salón Internacional de la Fama del Boxéu, en 1993.
Referencies
Enllaces esternos
Slapsy Maxie en Vinyl Páxina de Harry Greb
Biografía en Cyber Boxing Zone
Categoría:Boxeadores d'Estaos Xuníos Categoría:Actores y actrices d'Estaos Xuníos Categoría:Campeones del mundu de boxéu