Charles Aaron Smith, conocíu como Bubba Smith foi un actor y xugador de fútbol americanu d'Estaos Xuníos. Yera conocíu pol so gran estatura (2 metros).

Carrera deportiva Universidá Smith empezó a xugar nel equipu de fútbol de la Universidá Estatal de Michigan. En 1965 y 1966 foi gallardoniáu con tou los honores como meyor xugador americanu. Na so temporada senior, xugó'l "partíu del sieglu" (rematáu en 10-10 contra la Universidá de Notre Dame). Michigan remató segunda por detrás de Notre Dame nel campeonatu nacional. En 1988 foi incluyíu nel Salón de la fama de la universidá. Na Universidá de Michigan foi un atleta popular al que se-y punxo'l eslogan "Kill Bubba Kill" (Matu Bubba, Mata).

El 23 de setiembre de 2006, la Universidá Estatal de Michigan retiró la so camiseta col so dosal 95 enantes del partíu de los Spartans frente a Notre Dame, partíu que sirvió pa remembrar el cuarentenu aniversariu del partíu del sieglu, nel mesmu, pudo oyese vítores per parte del públicu a Smith mientres entonaben el yá mentáu eslogan.

NFL Smith tuvo nueve temporaes na NFL na posición d'ala defensivu. Nel draft de 1967 fichó por Baltimore Colts con quien ganó una Super Bowl a la fin de la temporada en 1970 llogrando'l so primera y únicu aniellu. Sicasí, nes entrevistes siempres declaró que nunca se lo punxo yá que-y paecía engarrosu xugar col oxetu. Antes del entamu de la temporada de 1972 ficho por Oakland Raiders y remató la so carrera en Houston Oilers. Foi escoyíu xugador profesional del añu y dos na so conferencia y llogró dos Pro Bowls

Trayeutoria profesional Temporada Equipu Categoría 1965-66 Michigan State Spartans NCAA I 1967-71 Baltimore Colts NFL 1973-74 Oakland Raiders NFL 1975-78 Houston Oilers NFL

Carrera cinematográfica

En retirándose del fútbol profesional, Smith empezó la so carrera como actor en pequeñes películes y papeles televisivos de los 70 y 80. El papel que más fama -y dio como actor foi'l de Moses Hightower na pelicula(y les sos secueles) Police Academy, papel qu'interpretó en seis de los siete producciones. Mientres un tiempu foi voceru d'una firma d'abogaos del área de Baltimore. Na pequeña pantalla, Smith protagonizó la serie Relampago Azul xunto col so amigu y tamién futbolista, Dick Butkus.

Filmografía Wonder Woman (1978) Superdome (1978) Good Times (1978) A Pleasure Doing Business (1979) Charlie's Angels (1979) The Misadventures of Sheriff Lobo (1979) The Last Ride of the Dalton Gang (1979) El camioneru y el so monu (1980) The White Shadow (1980) Semi-Tough (1980) Con ocho basta (1980) Vega$ (1980) Fighting Back (1980) Escape From DS-3 (1981) The Big Black Pill (1981) Taxi (1982) Open All Night (1981-82) Hart y Hart (1983) Stroker Ace (1983) Police Academy (1984) El truenu azul (1984) Rodney Dangerfield: Exposed (1985) Half Nelson (1985) Police Academy 2 (1985) La lluna negra (1986) Police Academy 3 (1986) Police Academy 4 (1987) The Wild Pair (1987) Police Academy 5 (1988) Police Academy 6 (1989) Stuck with Each Other (1989) Married... with Children (1991) MacGyver (1991) My Samurai (1992) The Naked Truth (1993) Fist of Honor (1993) Family Matters (1993) El silenciu de los borregos (1994) Drifting School (1995) Sabrina, the Teenage Witch (1997) Police Academy: La serie (1997) The Flunky (2000) Corrupción policial (2000) Full Clip (2004) The Coach (2004) Blue River (2010) DaZe: Vol. Too (sic) - NonSeNse (2010) (postproducción)

Fallecimientu El 3 d'agostu de 2011, Smith foi atopáu ensin vida na so casa de Baldwin Hills, Los Angeles pol porteru de la finca. Según determina l'autopsia, la causa del fallecimientu deber pola ingesta considerable de Fentermina: una droga endelgazadora. El so corazón aumentó de tamañu considerablemente anque consiguiera controlar el ritmu.Muerre Bubba Smith, l'axente Hightower de Police Academy, Europa Press 4 d'agostu de 2011.saga-locademia-de-policia Muerre a los 66 años l'actor Bubba Smith Páxina de ABC.com.py. Consultáu'l 4 d'agostu de 2011.Muerre Bubba Smith Páxina de rtve.es Consultáu'l 4 d'agostu de 2011.

Referencies

Enllaces esternos

Profile of the 1966 "Game of the Century" Details of the 1967 NFL draft Entry for Smith at the College Football Hall of Fame

Categoría:Xugadores de fútbol americanu d'Estaos Xuníos Categoría:Actores y actrices d'Estaos Xuníos