John Smith foi un actor d'Estaos Xuníos, conocíu principalmente pol so trabayu en dos series televisives de la NBC del xéneru western.
Biografía El so verdaderu nome yera Robert Errol Van Orde, y nació en Los Angeles, California.
En 1955 Smith foi artista invitáu, actuando como Sontag, na serie de televisión Stories of the Century, la primer producción western en ganar un Premiu Emmy. Tamién foi'l ferreru y ayudante de xérif Lane Temple en Cimarron City en 1958 y 1959. Nesta serie tamién trabayaben George Montgomery, nel papel del alcalde Matt Rockford, y Audrey Totter, como Beth Purcell.
Otros de los sos trabayos fueron el so papel de pilotu nel filme Island of Lost Women (1959), y el de Slim Sherman na serie de televisión Laramie (1959-1963), xunto a los actores Robert Fuller, Hoagy Carmichael, y Spring Byington. Tres Laramie, trabayó en 1966 como artista convidáu n'otra serie western, The Rounders.
John Smith finó en 1995 en Los Angeles, California, por causa d'una cirrosis hepática. Tenía 63 años d'edá.
Referencies
Enllaces esternos
Categoría:Persones de Los Angeles Categoría:Actores y actrices d'Estaos Xuníos