John Griffith Malloy , conocíu a cencielles como John Wray, foi un actor de teatru y de cine d'Estaos Xuníos.
Biografía Nacíu en Filadelfia (Pennsylvania, Estaos Xuníos). Wray foi unu de los munchos actores teatrales del circuitu de Broadway en llegar a Hollywood tres l'apaición del cine sonoru, interpretando con rapidez distintes ya importantes papeles como actor de calter, tales como gangster en The Czar of Broadway (1930), Himmelstoss, el sádicu instructor de All Quiet on the Western Front (1930), o'l contorsionista The Frog na versión de The Miracle Man (1932), un papel qu'en 1919 interpretara Lon Chaney.
Según progresaba la década, los papeles de Wray fueron faciéndose menos importantes, anque inda destacó nel clásicu de Frank Capra Mr. Deeds Goes to Town (1936) y na cinta de Fritz Lang You Only Live Once (1937).
John Wray finó en Los Angeles (California) en 1940. Foi enterráu nel Campusantu Calvary asitiáu nesa ciudá.
Filmografía
Referencies
Enllaces esternos
Categoría:Actores y actrices d'Estaos Xuníos Categoría:Persones de Filadelfia