La botica del pueblo ye un llibru escritu pol honduranu Francisco Cruz Castro y que trata sobre la flora melecinal d'Hondures. La versión orixinal práuticamente sumió, pero de esta caltiénense dellos exemplares de la cuarta edición editada en Madrid (España) en 1901, por unu de los sos descendientes, Julián Cruz.
La Botica del Pueblo esplica la manera d'alministrar les melecines comunes, de prauticar les operaciones más avezaes na melecina doméstica y ufierta una coleición d'útiles recetes pa les enfermedaes más conocíes y frecuentes n'América Central.
El so autor, Don Francisco Cruz Castro, foi presidente interín de la república d'Hondures a mediaos del sieglu XIX. Nació en Santa Ana (El Salvador), el 4 d'ochobre de 1820, finando na ciudá de La Esperanza, Intibucá, el 20 de mayu de 1895, a la edá de 75 años.
El llibru ye una obra bien pervalible en materia melecinal casera y un documentu importante de los oríxenes de la melecina n'Hondures.
La cuarta edición imprentóse en San Pedro Sula (Hondures), pola Editorial Coello.
La so importancia tresciende lo puramente melecinal: en 1895, Alberto de Jesús Membreño espublizó'l primer diccionariu honduranu col títulu de Hondureñismos. Vocabulario de los provincialismos de Honduras, nutríu con gran parte de los vocablos y espresiones recoyíos en La botica del pueblo.
Ver tamién Cronoloxía de la botánica Llista de naturalistes y epónimos Llista de florilexos y códices botánicos Historia de la botánica
Referencies
Enllaces esternos
Categoría:Llibros Categoría:Obres lliteraries en castellanu Categoría:Llibros de botánica Categoría:Etnomedicina