Martín López-Vega ye un poeta asturianu que tien espublizao llibros n'asturianu ya castellán.
López-Vega vien desenrollando un llabor lliterariu tan llargu como fondu. La so poesía ye andariega y señaldosa, pero al empar caltién l'enllaz col ámbitu campesín ya rural. Nos sos poemes hai un amestamientu continu d'arte ya remembrances, de viaxes y cites lliteraries, nún esfuerciu por atopar una identidá presonal que seya a caltenese nel tiempu - per embargu, el propiu poeta pescancia que esti esfuerciu ye vanu, rezón del caráuter elexiacu que percuerre la so obra.
Bibliografía
N'asturianu Exiliu (1998, poemes) Les coraes de la roca (1999, poemes, n'andecha con Chechu García) La visita (2000, poemes) El sentimientu d'un occidental (2000, proses) Piedra filosofal (2002, poemes) Parte meteorolóxicu pa Arcadia y redolada (2005, prosa)
En castellán Objetos robados (1994, poemes) Travesías (1996, poemes) Cartas portuguesas (1997, llibru viaxes) Los desvanes del mundo (1999, proses) La emboscada (1999, poemes) Mácula (2002, poemes) Árbol desconocido (2002, poemes) Elegías romanas (2004, poemes)
Tamién tien fecho esbilles de lliteratura n'asturianu con tornes en castellán, como Fruta del tiempo (poesía) o La tierra escrita (narrativa).
Premios I Premiu de Poesía Emilio Alarcos (2002), por Árbol desconocido.
Referencies
Enllaces esternos
Blog personal de Martín López-Vega
Lopez-Vega, Martin Lopez-Vega, Martin Categoría:Persones de Llanes Categoría:Wikipedia:Mantenimientu:Persones ensin plantía NF Categoría:Alumnáu de la Universidá d'Uviéu